Павал Ляхновіч

Павал Ляхновіч (нар. 7 студзеня 1997 году) — беларускі футбаліст, паўабаронца.

Павал Ляхновіч
Пэрсанальная інфармацыя
Нарадзіўся	7 студзеня 1997(1997-01-07)[1] (28 гадоў) Плешчаніцы, Лагойскі раён, Менская вобласьць, Беларусь
Рост	181 см
Вага	73 кг[2]
Пазыцыя	паўабаронца
Клюбы
Гады	Клюб	Гульні (галы)¹
2015—2016	БАТЭ	0 (0)
2016	→ Смалявічы	1 (0)
2017	Дняпро Магілёў	3 (1)
2017	Крумкачы	1 (0)
2018	Андэрдог	14 (0)
2018	Смаргонь	13 (0)
2019	Узда	13 (0)
2019—2020	Ашмяны-БДУФК	16 (0)
2020	Вікторыя	9 (1)
2021	Смалявічы	15 (4)
2022	Асіпавічы	23 (1)
2023	Крумкачы	7 (1)

Кар’ера

Выхаванец менскай футбольнай школы «Фартуна». Першым трэнэрам футбаліста быў Сяргей Раманоўскі. З 2015 году пачаў выступаць за дубль барысаўскага БАТЭ. У ліпені 2016 году перайшоў у «Смалявічы-СТІ»^[3], з сакавіка па жнівень 2017 году быў гульцом менскага «Промня», але ў гэтых клюбах рэдка зьяўляўся на полі. У жніўні 2017 году ўвайшоў у склад «Крумкачоў», дзе спачатку выступаў за дубль, а пазьней стаў прыцягвацца і да асноўнай каманды. 28 кастрычніка 2017 году дэбютаваў у Найвышэйшай лізе, выйшаўшы на замену ў канцы сустрэчы супраць «Слуцку» (0:2). У пачатку 2018 году «Крумкачы» ня былі дапушчаны да ўдзелу ў Найвышэйшай лізе.

У красавіку 2018 году падпісаў кантракт з клюбам «Чысьць»^[4]. У жніўні 2018 году перайшоў у клюб «Смаргонь»^[5]. У першай палове 2019 году выступаў за клюб «Узда»^[6]. У жніўні 2019 году перайшоў у «Ашмяны-БДУФК»^[7]. Разам з гэтым клюбам выйшаў у Першую лігу, дзе пачаў сэзон 2020 году, а другую ягоную палову правёў у мар’інагорскай «Вікторыі».

У красавіку 2021 году далучыўся да «Смалявічаў» з Другой лігі, а ў сакавіку 2022 году стаў гульцом «Асіпавічаў»^[8]. У сакавіку 2023 году далучыўся да складу «Крумкачоў»^[9], дзе гуляў да жніўня 2023 году^[10].

Статыстыка

Клюб	Сэзон	Чэмпіянат
		Дывізіён	Матчы	Галы
Прамень	2017	Першая ліга	3	1
Крумкачы		Найвышэйшая ліга	1	0
Чысьць	2018	Першая ліга	14	0
Смаргонь			13	0