Паўлавічы (Івейскі раён)

Па́ўлавічы^[1] — вёска ў Івейскім раёне Гарадзенскай вобласьці. Уваходзіць у склад Івейскага сельсавету. Да 18 красавіка 2017 году ўваходзіла ў ліквідаваны Морынскі сельсавет^[2].

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Паўлавічы.

Паўлавічы лац. Paŭłavičy
Краіна:	Беларусь
Вобласьць:	Гарадзенская
Раён:	Івейскі
Сельсавет:	Івейскі
Насельніцтва:	31 чал. (2009)
Часавы пас:	UTC+3
Тэлефонны код:
Паштовы індэкс:	231339
СААТА:	4229813090
Нумарны знак:	4
Геаграфічныя каардынаты:	53°54′7″ пн. ш. 25°46′44″ у. д.
Паўлавічы на мапе Беларусі ± Паўлавічы Паўлавічы
Галерэя здымкаў у Вікісховішчы

Гісторыя

У 2-й палове XIX — пачатку XX ст. вёска ў Івейскай воласьці Ашмянскага павету Віленскай губэрні. У 1861 г. 33 рэвіскія душы, адносілася да маёнтку Іўе Замойскіх. У 1897 г. 14 двароў, 112 жыхароў, у 1909 г. 16 двароў, 113 жыхароў.

У 1921 — 1939 гг. у Івейскай гміне Валожынскага, затым Лідзкага паветаў Наваградзкага ваяводзтва Польшчы. У 1921 г. 14 двароў, 79 жыхароў.

3 12.10.1940 г. вёска (16 двароў, 76 жыхароў) у Старчаняцкім сельсавеце Івейскага раёну. У 1952 г. арганізаваны калгас імя А.П.Чэхава. 3 1961 г. у Івейскім пасялковым, з 1962 г. Івейскім сельскім Савеце і ў калгасе «Нёман». У 1970 г. 74 жыхары. Потым у Морынскім сельсавеце і ў калгасе «Прынеманскі». З 2017 году ў Івейскім сельсавеце.

Вёска знаходзіцца ў зоне радыяцыйнага кантролю.

Насельніцтва

• 2009 год — 31 чалавек^[3]
• 1999 год — 35 чалавек, 16 двароў