Пераганцаўскі сельсавет

Перага́нцаўскі сельсавет — адміністрацыйна-тэрытарыяльная адзінка ў складзе Вярэнаўскага раёну Гарадзенскай вобласьці. Цэнтар — вёска Пераганцы.

Пераганцаўскі сельсавет
Агульныя зьвесткі
Краіна	Беларусь
Статус	сельсавет Беларусі[d]
Адміністрацыйны цэнтар	Пераганцы
Дата ўтварэньня	12 кастрычніка 1940
Насельніцтва	▲2057 чал. (2019)
Мэдыя-зьвесткі
Часавы пас	UTC+03:00
Дадатковыя мультымэдыйныя матэрыялы

Гісторыя

Утвораны 12 кастрычніка 1940 году як Піраганцаўскі сельсавет у складзе Вярэніцкага раёну Баранавіцкай вобласьці БССР. Цэнтар — вёска Піраганцы. З 20 верасьня 1944 году ў складзе Гарадзенскай вобласьці.

16 ліпеня 1954 году да сельсавету далучана тэрыторыя скасаванага Вінцукоўскага сельсавету^[1].

11 студзеня 1966 году ў склад сельсавету з Вярэнаўскага пассавету перададзена вёска Рамашканцы^[2].

11 лютага 1972 году ў склад сельсавету з Тракельскага сельсавету перададзены населеныя пункты Вайцяшуны, Малыя Германішкі, Маркаўшчына і Поліпніца^[3].

18 кастрычніка 2013 году ў склад сельсавету перададзеныя ўсе населеныя пункты — вёскі Агароднікі, Баяры, Вараноўка, Германішкі, Гута, Дайноўка, Клеткенікі, Лазарышкі, Мілавідная, Навасяды, Пажыжма, Стасіно, хутары Адамова, Борці, Воранава, Гартынкова, Жамойцішкі, Навапольле, Сьцілгуны — ліквідаванага Вярэнаўскага сельсавету^[4].

Насельніцтва сельсавету паводле перапісу 2009 году (32 населеныя пункты) — 1124 чалавекі^[5], зь іх 83,6 % — палякі, 13,3 % — беларусы, 1,4 % — расейцы, 1,0 % — літоўцы^[6].