Жываглодавіцкі сельсавет

Жывагло́давіцкі сельсавет (з 1964 году — Першама́йскі сельсавет) — былая адміністрацыйна-тэрытарыяльная адзінка ў складзе Салігорскага раёну Менскай вобласьці. Адміністрацыйны цэнтар — вёска Жываглодавічы.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Першамайскі сельсавет.

Жываглодавіцкі сельсавет
Агульныя зьвесткі
Краіна	Беларусь
Статус	сельсавет Беларусі[d] і былая адміністрацыйна-тэрытарыяльная адзінка[d]
Адміністрацыйны цэнтар	Жываглодавічы
Дата ўтварэньня	20 жніўня 1924
Дата скасаваньня	30 сакавіка 2006
Насельніцтва	720 чал. (1999)
Мэдыя-зьвесткі
Часавы пас	UTC+03:00
Дадатковыя мультымэдыйныя матэрыялы

Гісторыя

20 жніўня 1924 году створаны ў складзе Чырвонаслабодзкага (з 8 жніўня 1959 году — Старобінскага, з 25 сьнежня 1962 году — Любанскага, з 6 студзеня 1965 году — Салігорскага) раёну Слуцкай (з 9 чэрвеня 1927 году да 26 ліпеня 1930 году — Бабруйскай, з 21 чэрвеня 1935 году — Слуцкай) акругі, з 20 лютага 1938 году — Менскай (з 20 верасьня 1944 году — Бабруйскай, з 8 студзеня 1954 году — Менскай) вобласьці^[1].

28 жніўня 1964 году вёска Жываглодавічы перайменаваная ў Першамайск. У сувязі з гэтым сельсавет перайменаваны ў Першамайскі.

25 красавіка 2006 году сельсавет ліквідаваны, усе населеныя пункты — Белае Балота, Вішнёўка, Вялікая Альшанка, Гарохаўцы, Дошнава, Дубраўка, Жываглодавічы, Камсамольскі, Малая Альшанка, Навінкі, Падазернае, Язьвіны — перададзеныя ў склад Чырвонаслабодзкага пасялковага савету^[2][3].

Населеныя пункты

• 1 студзеня 1947 году — 20^[4]
• 1 студзеня 1986 году — 15^[5]