Песьня будаўніцтву (зборнік)

«Песьня будаўніцтву» — зборнік вершаў Янкі Купалы, выдадзены ў 1936 годзе ў Менску. Тыраж зборніку склаў 6185 асобнікаў.^[1]

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Песьня будаўніцтву (неадназначнасьць).

«Песьня будаўніцтву»
Вокладка зборніку «Песьня будаўніцтву» (Менск, 1936)
Жанр:	верш, паэма
Аўтар:	Янка Купала
Мова арыгіналу:	беларуская
Публікацыя:	1936

Апісаньне

Назву зборніку даў аднайменны верш. У зборнік увайшла частка вершаў ляўкоўскага цыклю: «Алеся», «Вечарынка», «Госьці», «Лён», «Сонцу», «Старыя акопы», «Хлопчык і лётчык» і інш. З ранейшых паэтычных зборнікаў Купалы ў гэты зборнік увайшоў толькі верш «Арлянятам». У зборніку шырока ўжываецца любімы паэтам мастацкі прыём супастаўленьня старога і новага («Украіна», «Якубу Коласу»). Значнае месца займае міжнародная тэма («Настане такая часіна», «А ў Вісьле плавае тапелец…»). Частка вершаў мае рытарычны характар («Нашай Канстытуцыі», "Калгасу «Чырвоны баец», «Маё мне сонца правадыр»). У зборнік увайшлі дзьве паэмы Я. Купалы: «Барысаў» і «Над ракою Арэсай».^[1]