Пэр Мэртэзакер

Пэр Мэртэзакер (па-нямецку: Per Mertesacker; нар. 29 верасьня 1984 году, Гановэр, Нямеччына) — нямецкі футбаліст. У 2004—2014 гадах выступаў за нацыянальную зборную Нямеччыны на пазыцыі абаронцы. Чэмпіён сьвету 2014 году.

Пэр Мэртэзакер
Пэрсанальная інфармацыя
Нарадзіўся	29 верасьня 1984(1984-09-29)[1][2][3] (40 гадоў) Гановэр, Заходняя Нямеччына[4]
Рост	200 см[1]
Пазыцыя	цэнтральны абаронца, абаронца
Клюбы
Гады	Клюб	Гульні (галы)¹
2003—2006	Гановэр-96	16 (1)
2006—2011	Вэрдэр	146 (12)
2011—2018	Арсэнал Лёндан	156 (6)
Зборныя
2002—2003	Нямеччына (да 20)[d]	2 (0)
2003—2004	Нямеччына (да 21)[d]	4 (0)
2004—2014	Нямеччына	104 (4)

Біяграфія

Пэр Мэртэзакер пачаў сваю футбольную кар’еру ў клюбе «Патэнсэн», зь якога ў 1995 годзе ва ўзросьце 11 гадоў перайшоў у «Гановэр-96». Свой першы матч у Бундэсьлізе згуляў у лістападзе 2003 году ва ўзросьце 19 гадоў і аднаго месяца супраць каманды «Кёльн», першы тайм правёў даволі пасрэдна й быў заменены ў перапынку. Пры трэнэры Эдвардзе Лінэне разьвіваўся як гулец асноўнага складу й цэнтру абароны «Гановэру». Ужо ў сэзоне 2004—2005 гадоў стаў адным з найлепшых гульцоў каманды.

8 жніўня 2006 году падпісаў кантракт з брэмэнскім «Вэрдэрам», разьлічаны да 2010 году, які быў падоўжаны да 2012 году. 30 жніўня 2011 году Мэртэзакер перайшоў у лёнданскі «Арсэнал» за 10 мільёнаў фунтаў, падпісаўшы трохгадовы кантракт^[5].

Нацыянальная зборная

Мэртэзакер зьяўляецца гульцом зборнай Нямеччыны, першы матч за якую правёў 9 кастрычніка 2004 году супраць зборнай Ірану. Бронзавы мэдаліст чэмпіянату сьвету 2006 і 2010 гадоў.

Дасягненьні

«Вэрдэр»:

• Уладальнік Кубка Нямеччыны: 2009
• Уладальнік Кубка лігі Нямеччыны: 2006

«Арсэнал»:

• Уладальнік Кубка Ангельшчыны (2): 2014, 2015

Нямеччына:

• Чэмпіён сьвету: 2014
• Бронзавы прызэр чэмпіянату сьвету: 2006, 2010
• Срэбраны прызэр чэмпіянату Эўропы: 2008

Асабістае жыцьцё

Пэр зьвязаны шлюбам з гандбалісткай Ульрыкай Штанге з 2013 году, да гэтага яны доўгі час сустракаліся. Пара мае двох дзяцей. Мэртэзакер належыць да пратэстанцкай царквы^[6].