Пэтрас (гара)
From Wikipedia, the free encyclopedia
Remove ads
Пэ́трас (па-ўкраінску: Петрос) — гара ва Ўкраінскіх Карпатах, у Рахаўскім раёне Закарпацкай вобласьці. Адна з найвышэйшых вяршыняў горнага масіву Чарнагора. Папулярны аб’ект пешаходнага турызму.
Remove ads
Апісаньне
Вышыня — 2020 м. Разьмешчаная ў паўночна-заходняй частцы масіву паміж гарамі Шэшул (на паўднёвым-захадзе) і Гавэрла (на ўсходзе). Заходні і паўднёва-заходні схілы стромкія са шматлікімі каменнымі россыпамі, паўночны і паўночна-ўсходні — абрывістыя, са скальнымі выступамі. Ёсьць старажытналедніковыя формы рэльефу. Складаецца зь пяшчанікаў.
Пакрытая пераважна субальпійскаю расьліннасьцю. Распаўсюджаныя хмызьнякі (ядловец сыбірскі, рададэндран), чарнічныя зарасьнікі і яловыя лясы (да вышыні 1530—1600 м). Узімку даволі часта бываюць сьнежныя лявіны. Ёсьць турыстычны прытулак на паўднёвых схілах.
Краявіды з Пэтрасу амаль такія ж, як з Гавэрлы. Асабліва прыгожа выглядае галоўны хрыбет Чарнагора, які можна назіраць па ўсёй ягонай даўжыні — ад Гавэрлы да Папа Івана. Выразьней, чым з Гавэрлы, бачная Блізьніца і за ёй — шэраг далінаў хрыбта Свыдзівец.
Remove ads
Галерэя
Зімовы Пэтрас пры захадзе сонца
Каменны тур на вяршыні Пэтрасу. Від на Гавэрлу. Канец красавіка 1978 году
Крыніцы
Wikiwand - on
Seamless Wikipedia browsing. On steroids.
Remove ads