Пятро Краўчанка

Пятро́ Кузьмі́ч Кра́ўчанка (нар. 13 жніўня 1950 году ў Смалявічах) — беларускі палітык, дыплямат і гісторык. Кандыдат гістарычных навук (1976).

Вікіпэдыя мае артыкулы пра іншых асобаў з прозьвішчам Краўчанка.

Пятро Краўчанка лац. Piatro Kraŭčanka
Міністар замежных справаў БССР і Рэспублікі Беларусь
17 ліпеня 1990 — 1994
Прэзыдэнт	—
Прэм’ер-міністар	Вячаслаў Кебіч
Наступнік	Уладзімер Сянько
Амбасадар Рэспублікі Беларусь у Японіі
19 студзеня 1998 — 19 лістапада 2002
Прэзыдэнт	Аляксандар Лукашэнка
Наступнік	Сяргей Рахманаў
Асабістыя зьвесткі
Нарадзіўся	13 жніўня 1950(1950-08-13) (74 гады) Смалявічы, Менская вобласьць, БССР, СССР
Партыя	Камуністычная партыя Савецкага Саюзу Беларуская сацыял-дэмакратычная Грамада Камуністычная партыя Беларусі
Адукацыя	гістарычны факультэт БДУ
Узнагароды

Біяграфія

Выпускнік БДУ (1972). Быў сакратаром Менскага гарадзкога камітэту КПБ (1985—1990). У 1990 годзе быў абраны дэпутатам Вярхоўнага Савету БССР 12-га скліканьня, але ўжо ў гэтым жа годзе прызначаны быў Міністрам замежных справаў БССР^[1], у сувязі з чым яго мандат скончыўся^[2]. Міністрам быў да 1994 году. У 1995 годзе быў абраны дэпутатам Вярхоўнага Савету Рэспублікі Беларусь 13-га скліканьня.

19 студзеня 1998 году прызначаны Надзвычайным і Паўнамоцным Амбасадарам Рэспублікі Беларусь у Японіі^[3], 14 сьнежня 1999 году стаў таксама амбасадарам у Рэспубліцы Філіпіны па сумяшчальніцтве^[4]. На гэтых пасадах быў да 19 лістапада 2002 году, калі быў адстаўлены^[5].