Рамірэс

Рамі́рэс Са́нтас да Насымэ́нта (па-партугальску: Ramires Santos do Nascimento; нар. 24 сакавіка 1987 году, Рыю-дэ-Жанэйру, Бразылія) — былы бразыльскі футбаліст, паўабаронца. Мае на сваім рахунку матчы ў складзе нацыянальнай зборнай Бразыліі.

Рамірэс
Пэрсанальная інфармацыя
Нарадзіўся	24 сакавіка 1987(1987-03-24)[1][2] (38 гадоў) Бара-ду-Піраі[d], Рыю-дэ-Жанэйру, Бразылія
Рост	180 см
Вага	73 кг
Пазыцыя	паўабаронца
Клюбы
Гады	Клюб	Гульні (галы)¹
2006—2007	Жаінвіл[d]	14 (3)
2007—2009	Крузэйру	61 (10)
2009—2010	Бэнфіка	26 (4)
2010—2016	Чэлсі	160 (17)
2016—2019	Цзянсу Сунін[d]	49 (11)
2019—2020	Палмэйрас	33 (1)
Зборныя
2009—2014	Бразылія	52 (4)

Клюбная кар’ера

У Бразыліі

Рамірэс зьяўляецца выхаванцам клюбу «Жаінвіл», у якім дэбютаваў у 2004 годзе. У чэрвені 2007 году Рамірэс перайшоў у клюб «Крузэйру», які заплаціў за трансфэр гульца 350 тысяч даляраў. Ужо ў першым сэзоне Дорывал Жуніёр, галоўны трэнэр «Крузэйра», даверыў месца дыспэтчара Рамірэсу, які апраўдаў надзеі, ускладзеныя на яго, стаўшы лідэрам каманды, часьцей асыстуючы партнэрам, аднак і зьнярэдку забіваючы галы.

Але найлепшым сэзонам Рамірэса ў «Крузэйра» стаў 2008 год, калі гулец стаў найлепшым бамбардзірам сваёй каманды ў Кубку Лібэртадорэс, а на ўнутранай арэне «бліскаў» ня меней яскрава, атрымаўшы срэбраны мяч найлепшага гульца, выступаўчы на месцы атакуючага паўабаронцы ў чэмпіянаце Бразыліі.

«Бэнфіка»

20 сакавіка 2009 году Рамірэс падпісаў кантракт з партугальскай «Бэнфікай», якая заплаціла за трансфэр футбаліста 7,5 млн эўра^[3]. Футбаліст таксама ўваходзіў у сфэру інтарэсаў расейскага ЦСКА, аднак ніякіх рэальных крокаў па ягонай куплі армейцы не рабілі^[4]. Рамірэс дэбютаваў у складзе «Бэнфікі» ў матчы супраць клюбу «Віторыя» (Гімарайнш) і адразу ж забіў гол^[5].

«Чэлсі»

5 жніўня 2010 году Рамірэс дасягнуў дамоўленасьці аб пераходзе ў ангельскі клюб «Чэлсі», які заплаціў за трансфэр паўабаронцы 22 млн эўра^[6].

Міжнародная кар’ера

У 2008 годзе Рамірэс у складзе зборнай Бразыліі паехаў на Алімпіяду, замяніўшы траўмаванага Рабіньню, але там ён гуляў, у асноўным, выходзячы на замену. У 2010 годзе Рамірэс у складзе зборнай гуляў на чэмпіянаце сьвету, дзе правёў 4 першыя гульні сваёй каманды, але толькі ў матчы супраць зборнай Чылі выйшаў на поле ў стартавым складзе^[5]. Апошнюю гульню зборнай гулец прапусьціў з-за дыскваліфікацыі.

Дасягненьні

«Крузэйру»:

• Чэмпіён штату Мінас-Жэйрас: 2008, 2009

«Бэнфіка»:

• Чэмпіён Партугаліі: 2010
• Уладальнік Кубка партугальскай лігі: 2010

«Чэлсі»:

• Чэмпіён Ангельшчыны: 2015
• Уладальнік Кубка Ангельшчыны: 2012
• Уладальнік Кубка футбольнай лігі: 2015
• Пераможца Лігі чэмпіёнаў: 2012
• Пераможца Лігі Эўропы: 2013

«Палмэйрас»:

• Уладальнік Кубка Лібэртадорэс: 2020

Бразылія:

• Уладальнік Кубка канфэдэрацыяў: 2009
• Бронзавы прызэр Алімпійскіх гульняў: 2008