Рабіньню
бразыльскі футбаліст From Wikipedia, the free encyclopedia
Remove ads
Робсан дэ Соўза (па-партугальску: Robson de Souza) больш вядомы як Рабіньню (парт. Robinho; нар. 25 студзеня 1984 году, Сан-Вісэнці, Бразылія) — былы бразыльскі футбаліст, нападнік. Гулец нацыянальнай зборнай Бразыліі. Рабіньню вядомы сваім кантролем мяча, інстынктамі атакі й хуткасьцю[4]. У 1999 годзе, усяго ў 15 гадоў, Рабіньню быў асабіста абраны Пэле, як ягоны спадчыньнік.
.jpg)
Remove ads
Кар’ера
«Сантус»
З шасьці гадоў пачаў займацца ў футбольнай акадэміі клюбу «Бэйра-Мар». У 1993 годзе Рабіньню ў складзе бразыльскай міні-футбольнай каманды «Партуарыёс» забіў 73 мячы, пасьля чаго быў прыцягнуты ў сыстэму «Сантусу». Правёўшы шэсьць гадоў у складзе юнацкай каманды, Рабіньню падпісаў свой першы ў кар’еры кантракт з «Сантусам» і пачаў рэгулярна гуляць у асноўным складзе. У сэзоне 2002 году выйграў свой першы чэмпіянат Бразыліі па футболе.
На наступны год зноўку атрымаў тытул чэмпіёна Бразыліі, ім пачалі цікавіцца эўрапейскія гранды. Са скандалам сыходзіў з роднага клюбу, адмаўляючыся выступаць за каманду ў знак пратэсту супраць нежаданьня прадаць яго ў Эўропу.
«Рэал»
31 ліпеня 2005 году перайшоў у мадрыдзкі «Рэал» за 25 млн эўра. Дэбютаваў у Ля Лізе 28 жніўня 2005 году ў матчы супраць «Кадысу».
«Манчэстэр Сіці»
У ходзе летняга трансфэрнага акна 2008 году Рабіньню быў блізкі да пераходу ў лёнданскі «Чэлсі», аднак 1 верасьня 2008 году перайшоў у «Манчэстэр Сіці», заключыўшы чатырохгадовы кантракт. За яго была заплачана рэкордная сума £32.5 млн[5] (42.5 млн эўра)[6].
«Мілян»
31 жніўня 2010 году падпісаў кантракт з італьянскім клюбам «Мілян» тэрмінам на 4 гады[7]. Да гэтага гулец правёў некаторы час у арэндзе ў бразыльскім «Сантусе». У жніўні 2014 году зноўку быў адпраўлены ў арэнду ў бразыльскі клюб. У маі наступнага году ён разарваў кантракт зь «Мілянам» і 30 чэрвеня сышоў з «Сантусу».
«Гуанчжоў Эвэргранд»
16 ліпеня 2015 году Рабіньню падпісаў кантракт на шэсьць месяцаў з кітайскім клюбам Гуанчжоў Эвэргранд, які гуляў у Супэрлізе Кітаю. На той момант мэнэджарам гэтага клюбу быў суайчыньнік Рабіньню Луіс Фэліпэ Скалары. У гэты пэрыяд Рабіньню гуляў у адной камандзе зь яшчэ адным гульцом зборнай Бразыліі Паўліньню[5]. Першы неафіцыйны матч у складзе кітайскай каманды ён згуляў 23 ліпеня 2015 году ў таварыскім матчы зь мюнхэнскай «Баварыяй». У складзе «Эвэргранда» Рабіньню стаў пераможцам кітайскай Супэрлігі. 1 лютага 2016 году Рабіньню стаў вольным агентам, пасьля таго, як ягоны кантракт з «Эвэрграндам» скончыўся.
Кар'ера пасьля 2015 году
11 лютага Рабіньню вярнуўся на радзіму, дзе падпісаў кантракт з клюбам «Атлетыку Мінэйру» на два гады. У 2016 годзе ён забіў больш за ўсіх галоў у Бразыліі. У фінале чэмпіянату штату Мінас-Жэрайс Рабіньню забіў гол у вароты Крузэйра Бэлу-Арызонці, што прынесла перамогу ягонай камандзе. У сьнежні 2017 году пасьля сканчэньня кантракту сышоў з клюбу. За гэты час ён забіў 38 гадоў у 109 гульнях. 23 студзеня 2018 году Рабіньню падпісаў кантакт з клюбам «Сывасспор» турэцкай Супэрлігі.
Remove ads
Міжнародная кар’ера
13 ліпеня 2003 году Рабіньню дэбютаваў у зборнай Бразыліі ў матчы супраць зборнай Мэксыкі.
Дасягненьні
«Сантус»:
- Чэмпіён Бразыліі: 2002, 2004
- Чэмпіён штату Сан-Паўлу: 2010, 2015
- Уладальнік Кубка Бразыліі: 2010
«Рэал Мадрыд»:
- Чэмпіён Гішпаніі: 2006, 2007
- Уладальнік Супэркубка Гішпаніі: 2008
«Мілян»:
- Чэмпіён Італіі: 2011
- Уладальнік Супэркубка Італіі: 2011
«Гуанчжоў Эвэргранд»[6]:
- Чэмпіён Кітаю: 2015
«Атлетыку Мінэйру»:
- Чэмпіён штату Мінас-Жэрайс: 2017
«Істанбул Башакшэхір»:
Бразылія:
- Уладальнік Кубка канфэдэрацыяў: 2005, 2009
- Уладальнік Кубка Амэрыкі: 2007
Крыніцы
Вонкавыя спасылкі
Wikiwand - on
Seamless Wikipedia browsing. On steroids.
Remove ads