Расьціслаў Усяславіч

Расьціслаў Усяславіч або Расьціслаў Рагвалодавіч — князь полацкі ў XII стагодзьдзі.

Расьціслаў Усяславіч лац. Raścisłaŭ Usiasłavič
полацкі князь
Асабістыя зьвесткі
Нарадзіўся	не раней за 1070
Памёр	не раней за 1130
Нашчадкі	Маўкольд Расьціславіч, Давіл Расьціславіч
Дынастыя	Рагвалодавічы
Бацька	Усяслаў Брачыславіч

Біяграфія

Адзін з малодшых сыноў Усяслава Брачыславіча. У 1129 годзе вялікі князь кіеўскі Мсьціслаў Уладзімеравіч выслаў Расьціслава Ўсяславіча разам зь іншымі полацкімі князямі ў Бізантыю^[1].

Паводле Васкрасенскага летапісу (XVI ст.), у 1130-я гадох або пазьней жыхары Віленскага княства запрасілі зь Бізантыі сыноў князя Расьціслава Рагвалодавіча — Давіла і Маўкольда, старэйшы з братоў стаў княжыць у Вільні. Паводле гэтага ж летапісу, Давіл і Маўкольд былі пачынальнікамі дынастыі вялікіх князёў літоўскіх^[2].