Рафаэль Маркес

Рафаэ́ль Ма́ркес А́льварэс (па-гішпанску: Rafael Márquez Álvarez; нар. 13 лютага 1979 году, Самора-дэ-Ідальга, Мэксыка) — мэксыканскі футбаліст, абаронца нацыянальнай зборнай Мэксыкі. Выступае на пазыцыі цэнтральнага абаронцы, аднак, таксама, можа згуляць на пазыцыі паўабаронцы абарончага пляну. Вядомы як адзін з самых выбітных мэксыканскіх абаронцаў за ўсю гісторыю^[4]. Маркес зьяўляецца першым гульцом, які чатыры разы быў капітанам на чэмпіянатах сьвету (2002, 2006, 2010, 2014). У сябе на радзіме ў Мэксыкцы Рафаэль часьцяком крытыкуецца за ягоную недысцыплінаванасьць, то бок Маркес можа атрымаць чырвоную картку ў важных матчах.

Рафаэль Маркес
Пэрсанальная інфармацыя
Нарадзіўся	13 лютага 1979(1979-02-13)[1][2][3][…] (46 гадоў) Самора-дэ-Ідальга[d], Мічаакан, Мэксыка
Рост	182 см
Вага	74 кг
Пазыцыя	цэнтральны абаронца
Клюбы
Гады	Клюб	Гульні (галы)¹
1996—1999	Атляс Гвадаляхара	77 (6)
1999—2003	Манака	87 (5)
2003—2010	Барсэлёна	163 (9)
2010—2012	Нью-Ёрк Рэд Булз	44 (1)
2013—2014	Леон[d]	50 (1)
2014—2016	Вэрона	35 (0)
2016—2018	Атляс Гвадаляхара	58 (1)
Зборныя
1997—2018	Мэксыка	146 (19)
1999	Мэксыка (да 20)[d]	4 (2)

Кар’ера

Клюбная

Маркес падчас выступаў за «Барсэлёну»

Маркес пачынаў сваю кар’еру ў гвадаляхарском клюбе «Атляс», у якім ён дэбютаваў у 17 гадоў. Пасьля пасьпяховых выступаў у клюбе, згуляўшы за яго ў 77 гульнях, Маркес атрымаў запрашэньне ў нацыянальную зборную Мэксыкі ў 1997 годзе. У 1999 годзе за 6 млн эўра абаронца перайшоў у «Манака». У Францыі посьпех таксама хутка прыйшоў да Маркеса, і ўжо ў першым сваім сэзоне ён дапамог камандзе стаць чэмпіёнам Францыі. Нягледзячы на ​​прапановы з больш заможных клюбаў, Маркес заставаўся ў «Манака» да 2003 году, пасьля чаго перайшоў у «Барсэлёну» за 5 млн эўра.

У першым сэзоне ў гішпанскім клюбе мэксыканец адгуляў у 21 гульні, выступаючы на ​​пазыцыі цэнтральнага абаронцы, і дапамог камандзе заняць другое месца ў чэмпіянаце. У другім сэзоне Маркес гуляў у асноўным на пазыцыі апорнага паўабаронцы, паколькі траўмы атрымалі Тыягу Мота, Эдмілсан і Хэрард Лёпэс. Ён правёў выдатны сэзон, зьяўляючыся адным з найважнейшых гульцоў «Барсэлёны», якая стала чэмпіёнам Гішпаніі. У «Барсэлёне» Рафаэль выступаў пад 4 нумарам.

1 жніўня 2010 году Маркес падпісаў кантракт з клюбам МЛС «Нью-Ёрк Рэд Булз», куды адправіўся за сваім аднаклюбнікам Т’еры Анры^[5]. У 2014 годзе вярнуўся ў Эўропу ў італьянскі клюб «Вэрона»^[6].

Міжнародная

За нацыянальную зборную Мэксыкі дэбютаваў 5 лютага 1997 году ў матчы супраць зборнай Эквадору.

Дасягненьні

Клюбныя

Рафаэль у кашулі клюбу «Нью-Ёрк Рэд Булз»

«Манака»:

• Чэмпіён Францыі: 2000
• Уладальнік Кубка францускай лігі: 2003
• Уладальнік Супэркубка Францыі: 2000

«Барсэлёна»:

• Чэмпіён Гішпаніі (4): 2005, 2006, 2009, 2010
• Уладальнік Кубка Гішпаніі: 2009
• Уладальнік Супэркубка Гішпаніі (3): 2005, 2006, 2009
• Пераможца Лігі чэмпіёнаў (2): 2006, 2009
• Уладальнік Супэркубка Эўропы: 2009
• Пераможца клюбнага чэмпіянату сьвету: 2009

«Леон»:

• Чэмпіён Мэксыкі (2): 2013 (а), 2014 (к)

Міжнародныя

Мэксыка:

• Уладальнік Кубка канфэдэрацыяў: 1999
• Уладальнік Залатога кубка КОНКАКАФ (2): 2003, 2011