Рудзенскі сельсавет

Ру́дзенскі сельсаве́т (у 1938—2013 гадах — Ру́дзенскі пасялковы савет) — адміністрацыйна-тэрытарыяльная адзінка ў складзе Пухавіцкага раёну Менскай вобласьці. Адміністрацыйны цэнтар — мястэчка Рудзенск.

Рудзенскі сельсавет
Агульныя зьвесткі
Краіна	Беларусь
Статус	сельсавет Беларусі[d]
Адміністрацыйны цэнтар	Рудзенск
Дата ўтварэньня	28 траўня 2013
Насельніцтва	4098 чал. (2019)
Мэдыя-зьвесткі
Часавы пас	UTC+03:00
Тэлефонны код	+375 1713
Дадатковыя мультымэдыйныя матэрыялы

Гісторыя

20 жніўня 1924 году створаны ў складзе Сьмілавіцкага раёну Менскай акругі.

8 ліпеня 1931 году раён скасаваны, сельсавет далучаны да Пухавіцкага раёну. 12 лютага 1935 году сельсавет далучаны да навастворанага Рудзенскага раёну. 6 ліпеня 1935 году раён перайменаваны ў Сьмілавіцкі, які з 11 лютага 1938 году атрымаў ранейшую назву.

27 верасьня 1938 году сельсавет рэарганізаваны ў пасялковы савет. 20 студзеня 1960 году раён скасаваны, пасялковы савет далучаны да Пухавіцкага раёну.

На 1 студзеня 1974 году ў складзе пассавету 9 населеных пунктаў^[1]. 31 сакавіка 1977 году ў адміністрацыйнае падпарадкаваньне Рудзенскага пассавету з Цітвянскага сельсавету перададзены 7 населеных пунктаў (пасёлкі Бор, Бярозаўка, Васількі, Доўгі, вёскі Варонічы, Русаковічы, Цітва)^[2].

28 траўня 2013 году пасялковы савет рэарганізаваны ў сельсавет^[3].