Рэспубліка Паліна

Palina (да 2018 - Паліна Рэспубліка^[1]), сапраўднае імя Паліна Юр’еўна Паланейчык (нар. 8 красавіка 1994, Менск) — беларуская сьпявачка. Рэпэртуар Паліны складаецца пераважна з уласных песень, і яна выконвае аўтарскія творы на беларускай, расейскай, украінскай і францускай мовах.

Palina
Паліна Юр’еўна Паланейчык
Palina на фэсьце «Razomfest» у Львове (2018)
Дата нараджэньня	8 красавіка 1994 (31 год)
Месца нараджэньня	Менск, Беларусь
Грамадзянства	Беларусь
Месца вучобы	Беларуская дзяржаўная акадэмія мастацтваў
Прафэсія	сьпявачка
Гады дзейнасьці	з 2012
Жанры	поп-музыка, аўтарская песьня
Інструмэнты	гітара, фартэпіяна
Псэўданімы	Да 2018 — Паліна Рэспубліка З 2018 — Palina
Супрацоўніцтва	«Hasta La Fillsta», «Helaiv», «Intelligency»
Узнагароды	«Адкрыцьцё году» (2011) (Tuzin.fm) «Адкрыцьцё году» (2012) (Ultra-Music Awards)
Сайт	repolinare.by
Palina у Вікісховішчы

Жыцьцяпіс

Навучалася ў гімназіі №15 гораду Менску, якую скончыла ў 2011 годзе. Займалася жаночым футболам^[2][3]. Атрымала музычную адукацыю па клясе фартэпіяна. Скончыла Беларускую дзяржаўную акадэмію мастацтваў па спэцыяльнасьці «Рэжысура тэлебачаньня».

Першую песьню напісала ў 14-гадовым узросьце ў Крыме, што падштурхнула яе вучыцца граць на гітары^[4].

Першы сольны канцэрт адбыўся ў Менску 24 сьнежня 2011 году на адкрыцьці Арт Сядзібы^[5]. У 2011 годзе стала пераможцай 18-га фэстывалю аўтарскай песьні «Бардаўская восень» (Бельск-Падляскі, Польшча)^[6], пасьля чаго дала дзясяткі канцэртаў па Беларусі й за яе межамі^[7].

«Адкрыцьцё году» па вэрсіі Tuzin.fm (2011)^[8][9]. Ляўрэатка прэміі Ultra-Music Awards таксама ў намінацыі «Адкрыцьцё году» (2012).^{[10][11][12][13][14]}

Паліна Рэспубліка ў 2012 годзе запісала некалькі сумесных сынгалаў з гуртам Hasta La Fillsta («Як ты»^[15] й «Гадзіньнік»^[16])^[17]. Вясной 2015 году публіцы быў прадстаўлены дэбютны альбом «Бясконцы красавік». «Якасны новы альбом», па словах Зьмітра Безкаравайнага з Experty.by^[18], стаў другім найлепшым айчынным дыскам таго году па выніках апытаньня замежных экспэртаў парталам Experty.by^[19], пасьля прэзэнтацыі якога 15 траўня 2015 году ў крэатыўнай прасторы Studio 67 Паліна абвясьціла пра прыпыненьне канцэртнай дзейнасьці па сямейных абставінах^[20].

У лютым 2017 году сьпявачка стала госьцяй праграмы Сяргея Будкіна «Belsat Music Live», дзе выступіла ў новым фармаце, без гітары й свайго музычнага калектыву^[21]. У гэтым жа годзе яна выканала партыю бэк-вакалу ў сьпеве «Anxiety» з самотніку «Helaiv» «Too Easy»^[22].

У 2018 годзе зьмяніла псэўданім «Паліна Рэспубліка» на «Palina». Прыняла ўдзел у 9-м сэзону ўкраінскай вэрсіі шоў талантаў «X Factor» з аўтарскай песьняй «Пінкі»^[23].

На Новы 2019 год яна сыграла ў музычным шоў Tuzin.fm, «Belsat Music Live» ды Лявона Вольскага «Нас у Маскве не зразумеюць»^[24][25].

Напачатку 2019 году запісала сумесны кліп на песьню «Вода» з Intelligency^[26]. 15 красавіка 2019 году ўбачыў сьвет другі альбом сьпявачкі «Грустные песни», у які ўвайшлі сьпевы за апошнія тры гады^[27][28].

Крытыка

Рэдактар парталу Ultra­-Music Аляксандар Чарнуха назваў лірыку сьпявачкі досыць пасрэднай^[29]. Большасьць штатных экспэртаў Experty.by станоўча ацаніла альбом «Бясконцы красавік»: «ціхая, цёплая, лірычная музыка»^[29], «прыемныя й досыць запамінальныя мэлёдыі ды пяшчотны вакал»^[29], «наіўная й чыстая музыка»^[29], «ня скажаш, што гурт Паліны знайшоў сваё гучаньне, але тое, што ён на правільнай дарозе, — гэта дакладна»^[8].

Ацэнкі

Лэсьлі Найф, вакаліст гурта «Gods Tower» у 2014 годзе параўнаў творчасьць беларускай сьпявачкі з Эніяй^[30].

Забароны

Пасля выхаду інтервію сьпявачкі «Белсату» й «Народнай Волі» ў 2012 годзе яе канцэрт, які павінен быў прайсьці ў Віцебску на наступны дзень, быў адменены^[31][32].

Прызнаньне

У 2018 годзе музычны партал Tuzin.fm разам з Letapis.by уключыў песьню «Як ты» ў топ «60 беларускамоўных гітоў сучаснасьці» (сьпіс найлепшых песень, выдадзеных з 1988 году)^[33].

У 2019 годзе Лёша Горбаш з 34mag у рэтраспэктыве 2010–2019 гадоў назваў сьпявачку «прыкметнай артысткай Беларусі дзесятых, безь якой цяжка ўявіць сёньняшнюю лакальную сцэну»^[34].

Узнагароды

• 2011 — 1-е месца на фэсьце «Бардаўская восень».
• 2011 — «Адкрыцьцё году» Tuzin.fm.
• 2012 — «Адкрыцьцё году» прэміі Ultra-Music Awards.

Дыскаграфія

Студыйныя альбомы

Як Паліна Рэспубліка:

• 2015 — «Бясконцы красавік»^{[8][35][36][37]}

Як Palina:

• 2019 — «Грустные песни»^[27] (па-беларуску: Сумныя песьні)

Сынглы

Як Паліна Рэспубліка:

• 2012 — «Як ты» і «Гадзіньнік» (з удзелам Hasta La Fillsta)

Як Palina:

• травень 2018 — «Бродский»
• лістапад 2018 — «Вода» (акустычная версія, разам з Intelligency)^[26]
• студзень 2019 — «Пинки»
• снежань 2019 — «Позови погостить» (па-беларуску: Пакліч пагасціць)
• ліпень 2020 — «Июль» (па-беларуску: Ліпень)
• жнівень 2020 — «Як ты» (перавыданьне)

Удзел у зборніках

• 2019 — «Нас у Маскве не зразумеюць» (трэк «Цудоўны Вечар» (кавэр на «Новае Неба»)^[24]

Відэаграфія

• «Утро» (2013)
• «Pinky» (2019)^[38]

Удзельнікі

Пастаянныя ўдзельнікі Паліна Паланейчык (Palina) — вакал, гітара, фартэпіяна (2012 — ...)

Былыя ўдзельнікі[39] Уладзімер Пыльчанка — гітара, акардэон, фартэпіяна (2013 — 2017) Вадзім «Джэймс Глюк» Сьцепановіч — бас-гітара (2013 — 2017) Аляксандра Аляксюк — віялянчэль (2013 — 2017) Юры Мартынаў — ударныя (2013 — 2017)

Храналогія