СКА Менск

СКА — беларускі мужчынскі гандбольны клюб зь Менску, заснаваны ў 1975 року. Найбольш пасьпяховы гандбольны клюб Беларусі, у 1980-я — адзін з наймацнейшых клюбаў СССР і Эўропы, трохразовы ўладальнік Кубка эўрапейскіх чэмпіёнаў, двухразовы ўладальнік Кубка ўладальнікаў кубкаў, 10-разовы чэмпіён Беларусі. Ад моманту заснаваньня на працягу 40 гадоў клюб трэніраваў Спартак Мірановіч^[2].

СКА Менск
Поўная назва	Гандбольны клюб СКА Менск
Заснаваны	1975
Месцазнаходжаньне	Менск, Беларусь
Арэна	Палац спорту «Ўручча» Зьмяшчальнасьць: 3000
Старшыня	Андрэй Крайноў
Галоўны трэнэр	Ігар Папруга[1]
Чэмпіянат	Чэмпіянат Беларусі
2018—2019	2 месца
Форма
Клюбныя колеры
Спасылкі
Афіцыйная бачына
Галерэя здымкаў у Вікісховішчы

Мінуўшчына

Клюб быў створаны ў 1975 року на базе менскага «Палітэхніку» пры 7 Спартовым клюбе арміі Беларускае вайсковае акругі. Старэйшым трэнэрам каманды стаў Спартак Мірановіч.

За савецкім часам СКА тройчы заваёўваў Кубак эўрапейскіх чэмпіёнаў (1987, 1989, 1990), двойчы станавіўся пераможцам Кубка ўладальнікаў кубкаў эўрапейскіх краінаў (1983, 1988), аднойчы — Супэркубка (1989), шэсьць разоў станавіўся чэмпіёнам СССР, тройчы заваёўваў Кубак СССР.

У беларускім чэмпіянаце СКА быў бязьзьменным чэмпіёнам з 1993 да 2003, яшчэ 7 разоў заваёўваў срэбныя і тройчы — бронзавыя мэдалі.

З 1993 року клюб стала ўдзельнічае ў розыгрышы Балтыйскае лігі, дзе зьяўляецца 12-разовым чэмпіёнам.

З 1997 року СКА Менск пяць разоў браў удзел у чэмпіянаце сьвету пад эгідай Міжнароднае рады вайсковага спорту, двойчы станавіўся чэмпіёнам (1999, 2002) і аднойчы срэбным прызэрам (1998) спаборніцтваў.

Дасягненьні

Нацыянальныя

• Чэмпіянат Беларусі:
  • × 10 — 1993, 1994, 1995, 1996, 1997, 1998, 1999, 2000, 2001, 2002.
  • × 11 — 2004, 2005, 2006, 2007, 2008, 2013, 2014, 2015, 2016, 2017, 2018.
  • × 3 — 2009, 2011, 2012.
• Чэмпіянат СССР:
  • × 6 — 1981, 1984, 1985, 1986, 1988, 1989.
  • × 5 — 1982, 1983, 1987, 1990, 1992.
  •  — 1991.
• Кубак СССР × 3 — 1980, 1981, 1982.

Міжнародныя

• Кубак эўрапейскіх чэмпіёнаў × 3 — 1987, 1989, 1990
• Кубак уладальнікаў кубкаў × 2 — 1983, 1988
• Супэркубак × 1 — 1989
• Кубак выкліку × 1 — 2013
• Фіналіст Кубка ЭГФ — 1992

Склад

Паводле стану на 10 красавіка 2025 году

СКА

Брамнікі Ягор Стасюк Канстанцін Кавалёў Кірыл Колас Левыя скрайнія Уладзіслаў Крывенка Станіслаў Садоўскі Антон Лукашонак Правыя скрайнія Яўген Нікановіч Аляксей Шапяленка Лінейныя Арцём Сельвясюк Дзьмітры Камышык Андрэй Пушкін Левыя гульнёвыя Дзьмітры Хмялькоў Аляксей Гайдук Аляксей Ермакоў Паўсярэднія Цімафей Баранчык Аляксандар Пятровіч Правыя гульнёвыя Яўген Ладуцька Станіслаў Шабельнікаў Мацьвей Удавеня

Вядомыя гандбалісты

• Андрэй Барбашынскі
• Аляксей Жук
• Аляксандар Каршакевіч
• Аляксандар Маліноўскі
• Андрэй Мінеўскі
• Сяргей Рутэнка
• Георгі Сьвірыдзенка
• Аляксандар Тучкін
• Канстанцін Шаравараў
• Юры Шаўцоў
• Міхаіл Якімовіч