Санта-Крус-дэ-Тэнэрыфэ
грамада Канарскіх астравоў (Гішпанія) From Wikipedia, the free encyclopedia
Remove ads
Санта-Крус-дэ-Тэнэрыфэ (па-гішпанску: Santa Cruz de Tenerife) — горад у Гішпаніі, які месьціцца на Канарскіх астравах і ўваходзіць у аднайменную аўтаномную супольнасьць. Разам горадам Ляс-Пальмас зьяўляецца сталіцай супольнасьці. Горад зьяўляецца самым буйным Тэнэрыфэ, адным з астравоў архіпэляга. Разьмешчаны каля 210 кілямэтраў ад паўночна-заходняга ўзьбярэжжа Афрыкі ў Атлянтычным акіяне.
Remove ads
Гісторыя
Сваю назву горад атрымаў ад срэбнага Сьвятога Крыжа канкістадораў, які Алёнса Фэрнандэс дэ Люга паставіў пасьля высадкі на ўзьбярэжжы ў 1494 годзе, цяпер гэты крыж захоўваецца ў нацыянальным музэі Тэнэрыфэ. На працягу XVI стагодзьдзя гэтая былая рыбацкая вёсачка стала важным портам у закрытай гавані Ля-Лягуна. У 1723 году горад стаўся адміністрацыйным цэнтрам Тэнэрыфэ, а ў 1833—1927 гадох места было сталіцай усяго архіпэлягу. На Тэнэрыфэ неаднаразова нападалі ангельцы і датчане, але беспасьпяхова. У 1797 годзе захапіць порт паспрабаваў адмірал Нэльсан, але пацярпеў паразу. Да Санта-Крус сталіцай выспы была найблізкая Ля-Лягуна.
Гішпанцы пабудавалі на ўзьбярэжжы мноства крэпасьцяў для абароны сваіх уладаньняў, але нішто не спыняла піратаў, якія натхняліся ангельскімі й францускімі ўладамі, яны часьцяком нападалі на Тэнэрыфэ. Гэтак у 1657 годзе ангельскі адмірал Робэрт Блэйк здолеў нават захапіць горад, аднак зусім на кароткі час, неўзабаве ён быў адкінуты артылерыяй. Гэтая, і яшчэ дзьве сур’ёзныя перамогі, здабытыя над ангельцамі. 6 лістапада 1706 году генэрал Джон Джэнінгс атакаваў порт, але быў адкінуты, а ў 1797 годзе быў пераможаны генэрал Нэльсан. Гэтыя падзеі атрымалі адлюстраваньне ў гербе Тэнэрыфэ, на ім акрамя Крыжа заваяваньня, намаляваныя тры леапарды, якія ўвасабляюць гэтыя тры перамогі, над Блэйкам, Джэнкінгсам і Нэлсанам.
Remove ads
Эканоміка
Эканоміка Санта-Крус-дэ-Тэнэрыфэ абапіраецца ў асноўным на сфэру паслугаў. Гандаль, турызм, імпарт-экспарт, марскі порт і наяўнасьць буйных палітычных і фінансавых інстытутаў гарантуюць моцнае эканамічнае разьвіцьцё гораду.
Гарадыя-сябры
Вонкавыя спасылкі
Wikiwand - on
Seamless Wikipedia browsing. On steroids.
Remove ads