Сочнік

Сочнік — гутарковая назва пірагу, які складзены ўдвая ў выглядзе піражка (аладка) з тварожным начыньнем^[1].

Ня варта блытаць з сачнём.

Сочнік
Сочнікі (2019 год)
Тып	пірожнае
Нацыянальная страва	расейская
Паходжаньне	Расея
Рэгіён	Усходняя Эўропа
Вырабнік	«Домачай»
Дата зьяўленьня	XVI стагодзьдзе
Асноўны складнік	тварог
Распаўсюджаныя складнікі	мука, сьмятана, масла
Падобныя стравы	сачэнь
Сочнік у Вікісховішчы

Падаюцца для чаяваньня.

Складнікі

Для пясочнага цеста пад сочнікі бяруць: 450 грамаў мукі, 200 грамаў сьмятаны, 150 грамаў цукру або ягоны заменьнік, 100 грамаў масла, 10 грамаў разрыхляльніка, яечны жаўток і палову гарбатнай лыжкі солі. Для начыньня выкарыстоўваюць 500 грамаў тварагу, 50 грамаў сьмятаны і ванільны цукар^[2].

Прыгатаваньне

Спачатку муку зьмешваюць з сольлю і разрыхляльнікам. Халоднае масла расьціраюць з мукой у дробную крошку. У атрыманай сумесі робяць паглыбленьне, у якое дадаюць сьмятану, жаўток і цукар або ягоны заменьнік. З гэтага замешваюць мяккае цеста. Усе складнікі тварожнага начыньня зьмешваюць адразу. Затым стол пасыпаюць мукой і раскатваюць на ім цеста таўшчынёй 5—7 мм. У раскатаным цесьце выразаюць кругі велічынёй пад сочнік. Кругам надаюць авальны выгляд з дапамогай скалкі. На адну палову авалаў кладуць тварожнае начыньне з пакіданьнем 1 см да краю. Другую палову авалаў згортваюць паверх начыньня. Сочнікі змазваюць жаўтком і выпякаюць 30 хвілінаў пры +180 °C^[2].