Старадубскі раён

Старадубскі раён — адміністрацыйна-тэрытарыяльная адзінка на поўдні Бранскай вобласьці Расеі. Адміністрацыйны цэнтар — места Старадуб.

Старадубскі раён
Стародубский район
Герб
Агульныя зьвесткі
Краіна	Расея
Статус	раён
Уваходзіць у	Бранскую вобласьць
Адміністрацыйны цэнтар	Старадуб
Дата ўтварэньня	1929
Насельніцтва	43 000
Плошча	1750 км²
Месцазнаходжаньне Старадубскага раёну
Мэдыя-зьвесткі
Часавы пас	UTC +3
Тэлефонны код	+7 48348
Код аўтам. нумароў	32
Афіцыйны сайт
Дадатковыя мультымэдыйныя матэрыялы

Геаграфія

Плошча раёну — 1750 км². Асноўныя рэкі — Бабінец, Вабля

Гісторыя

У 1917—1919 гадах тэрыторыя цяперашняга Старадубскага раёну ўваходзіла ў склад УНР, а затым Украінскай дзяржавы гетмана П. Скарападзкага. У 1919 годзе Старадубскі павет быў перададзены ў склад Гомельскай губэрні РСФСР. У 1926 годзе, у зьвязку з расфармаваньнем Гомельскай губэрні, увайшоў у склад Бранскай губэрні.

У 1929 годзе, з увядзеньнем новага адміністрацыйнага падзелу, губэрні і паветы скасавалі. Быў утвораны Старадубскі раён, які ад пачатку ўвайшоў у Клінцоўскую акругу Заходняй вобласьці з цэнтрам у м. Смаленску. 5 ліпеня 1944 году ўказам Прэзыдыюму Вярхоўнага Савету СССР была ўтвораная Бранская вобласьць, у склад якой, нароўні зь іншымі, быў улучаны і Старадубскі раён.

Дэмаграфія

Насельніцтва раёну складае 43 тыс. чалавек, у тым ліку ў мескіх умовах жывуць каля 18 тыс. Усяго налічваецца 175 населеных пунктаў.

Адміністрацыйна-тэрытарыяльны падзел

Па муніцыпальнай рэформе (2005) у раёне маецца 10 сельскіх паселішчаў:

• Вараноцкае сельскае паселішча
• Гарцаўскае сельскае паселішча
• Дзесятухаўскае сельскае паселішча
• Занкоўскае сельскае паселішча
• Запольскахалеевіцкае сельскае паселішча
• Каменскае сельскае паселішча
• Меленскае сельскае паселішча
• Моханаўскае сельскае паселішча
• Мышкоўскае сельскае паселішча
• Панураўскае сельскае паселішча

Транспарт

Праз раён праходзіць чыгуначная лінія Ўнеча — Хутар Міхайлаўскі.

Славутасьці

• Сядзібна-паркавы комплекс Міклашэўскіх, царква Нараджэньня Божай Маці і царква Сьв. Аляксандра Неўскага ў в. Панураўка.
• Царква Сьв. Міхала Арханёла ў в. Солава.
• Царква Сьвв. апп. Пятра й Паўла ў в. Ялівонка.
• Царква Сьв. Мікалая ў в. Яцкавічы.

Глядзіце таксама

• Літвіны Севершчыны
• Старадубскае княства
• Старадубскі павет

Вонкавыя спасылкі

Старадубскі раён — сховішча мультымэдыйных матэрыялаў

• Старадубскі раён на Radzima.org