Унеча

Уне́ча (па-расейску: Унеча) — места ў Бранскай вобласьці Расеі, у вярхоўі рэчкі Ўнеча. Адміністрацыйны цэнтар Унецкага раёну. Насельніцтва 23 673 чалавек (на 2024 год^[2]).

Унеча
рас. Унеча
Герб Унечы
Дата заснаваньня:	1887
Краіна:	Расея
Суб’ект фэдэрацыі:	Бранская вобласьць
Раён:	Унецкі
Плошча:	15 км²
Вышыня:	180 м н. у. м.
Насельніцтва:	▲24 274 чал. (2021)[1]
Часавы пас:	UTC+3
Тэлефонны код:	48351
Паштовы індэкс:	243300
Нумарны знак:	32
Геаграфічныя каардынаты:	52°51′0″ пн. ш. 32°41′0″ у. д.
Унеча на мапе Расеі Унеча
Галерэя здымкаў у Вікісховішчы

Знаходзіцца за 140 км на паўднёвы захад ад Бранску, на аўтадарозе Бранск — Гомель. Вузел чыгуначных лініяў на Бранск, Воршу, Гомель, Хутар-Міхайлаўскі.

Гісторыя

• 1887: заснаваньне паселішча як станцыі Палескай чыгункі.
• 1927: гарадзкі пасёлак.
• 1929: у выніку правядзеньня лініі Харкаў — Ворша зрабілася значным чыгуначным вузлом і пачала інтэнсіўна разьвівацца.
• 1936—1951: станцыя Ўнеча ў падначаленьні Беларускай чыгункі.
• 1940: атрымала статус места.
• 1943—1944: у месьце знаходзілася кіраўніцтва Беларускай чыгункі.

Насельніцтва

• 1939 — 14,0 тыс. чал.
• 1959 — 16,5 тыс. чал.
• 1979 — 25,4 тыс. чал.^[3]
• 1993 — 29,7 тыс. чал.^[4]
• 2009 — 26,5 тыс. чал.
• 2017: — 24 тыс. чал.

Эканоміка

Завод «Тэмбр». Прадпрыемствы чыгуначнага транспарту (лякаматыўнае і вагоннае дэпо і інш.) і харчовай прамысловасьці (заводы: гароднінасушыльны, масла і сухога малака, мясаптушкакамбінат). Камбінат жалезабэтонных вырабаў.

Турыстычная інфармацыя

У месьце знаходзяцца карцінная галерэя Бранскай вобласьці і гістарычна-краязнаўчы музэй.

Асобы

• Уладзімер Базан — беларускі фотамастак
• Павал Якубовіч — беларускі журналіст, рэдактар газэты «Советская Белоруссия»