Струна (рака)

Струна́ — рака ў Беларусі й Летуве, правы прыток ракі Страчы (басэйн Нёману). Цячэ ў Астравецкім раёне Гарадзенскай вобласьці. Даўжыня 31 км (даўжыня ў межах Беларусі 18 км). Плошча вадазбору 194 км². Выдатак вады ў вусьці 1,5 м³/с. Сярэдні нахіл воднай паверхні 0,8‰.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Струна.

Рака

Струна лац. Struna
Агульныя зьвесткі
Выток	каля в. Падлукі
Вусьце	Страча
Краіны басэйну	Беларусь, Летува
Вобласьці	Гарадзенская вобласьць і Сьвянцянскі раён
Даўжыня	31 км
Сярэднегадавы сьцёк	1,5 м³/с
Плошча басэйну	194 км²
Нахіл воднай паверхні	0,8 ‰
Галерэя здымкаў у Вікісховішчы

Асноўны прыток — рака Пеляка.

Пачынаецца ў Летуве, перасякае граніцу на паўночным захадзе ад хутару Рудні. Цячэ паўночнымі схіламі Сьвянцянскіх градаў, упадае ў Страчу за 2 км на поўнач ад вёскі Вялікіх Стаўпянятаў.

Даліна трапэцападобная, яе шырыня 0,2—0,5 км у верхняй плыні, 1—1,5 км у сярэдняй і нізкай. Абалона вузкая. Рэчышча на працягу 10,3 км каналізаванае: ад чыгуначнага моста на дарозе мястэчка Лынтупы — места Пабродзьдзе да вёскі Масьцянаў (6,3 км) і перад вусьцем (4 км). У ніжняй плыні прымае сьцёк з мэліярацыйных каналаў^[1].