Сымон Самуэль Сангушка

Сымон Самуэль Сангушка (? — лістапад 1638) — дзяржаўны дзяяч Вялікага Княства Літоўскага. Кашталян амсьціслаўскі (1620—1621) і віцебскі (1621—1626), ваявода віцебскі (з 1626).

Сымон Самуэль Сангушка

Герб «Пагоня Літоўская»
Асабістыя зьвесткі
Нарадзіўся	1570
Памёр	лістапад 1638
Пахаваны	Смаляны[1]
Род	Сангушкі
Бацькі	Андрэй Сангушка Соф'я з Сапегаў
Жонка	Ганна з Завішаў, Алена з Гасеўскіх
Дзеці	ад 1-га шлюбу: Казімер, Геранім Уладзіслаў, Ян Уладзіслаў, Кацярына, Крыстына, Эўфрасіньня
Дзейнасьць	генэоляг

Валодаў Смалянамі, Абольцамі, Горвалем.

Біяграфія

Герб князя, 1639 г.

З ковельскай лініі княскага роду Сангушкаў гербу «Пагоня Літоўская», сын Андрэя і Соф’і з Сапегаў. Навучаўся ў Інгальштацкім унівэрсытэце.

Удзельнічаў у войнах супраць Швэцыі (1600—1629) і Маскоўскай дзяржавы (1609—1618). У 1620 атрымаў першы ўрад маршалка аршанскага. Уваходзіў у склад камісіі расьсьледаваньня забойства ў 1623 у Віцебску архіяпіскапа Язафата Кунцэвіча. Перайшоў з праваслаўя ў каталіцтва.

Збудаваў у мястэчку Смаляны замак Белы Ковель. Сабраў вялікую бібліятэку, склаў радавод Сангушкаў, выводзячы іх ад Любарта, займаўся маляваньнем і гравюрай. Аўтар друкаваных прамоваў^[2].

Першы раз ажаніўся з Ганнай (? — 1619), дачкой Юрыя Завішы, другі — з Тэрэзай (? — 1635), дачкой Аляксандра Гасеўскага. У першым шлюбе нарадзіліся дзеці:

• Казімер (? — 1655)
• Геранім Уладзіслаў (? — 1657), біскуп смаленскі
• Ян Уладзіслаў (? — 1652), староста сураскі
• Кацярына, жонка аршанскага харунжага Яна Статкевічам
• Крыстына, жонка браслаўскага маршалка Яна Мікалая Рудаміны-Дусяцкага
• Эўфрасіньня, жонка каралеўскага двараніна Юрыя Шверына