Сьветладарск

Сьветладарск (па-ўкраінску: Світлодарськ) — места раённага значэньня ў Бахмуцкім раёне Данецкай вобласьці Ўкраіны. Насельніцтва — 13 203 чалавекі (2013).

Сьветладарск
укр. Світлодарськ
Пляж на беразе вадасховішча Вуглягорскай ЦЭС
Дата заснаваньня:	1970
Горад з:	1992
Краіна:	Украіна
Вобласьць:	Данецкая
Раён:	Бахмуцкі
Мэр:	Сяргей Дыярдыца
Плошча:	2,12 км²
Вышыня:	172 м н. у. м.
Насельніцтва (2013)
колькасьць:	▼ 12 164 чал.[1]
шчыльнасьць:	5737,74 чал./км²
Часавы пас:	UTC+2
летні час:	UTC+3
Тэлефонны код:	6249
Паштовы індэкс:	84792
КОАТУУ:	1410970500
Нумарны знак:	AH
Геаграфічныя каардынаты:	48°26′9″ пн. ш. 38°12′59″ у. д.
Сьветладарск на мапе Ўкраіны Сьветладарск
Галерэя здымкаў у Вікісховішчы

Геаграфія

Разьмешчанае ва ўсходняй частцы вобласьці, на беразе Сьветладарскага вадасховішча.

Места займае тэрыторыю 24 км², зь іх 6% пад забудоваю. На аднаго жыхара прыпадае 23 м² зялёных насаджэньняў. Сярэдняя тэмпэратура студзеня −7,3°, ліпеня +21,5°. За рок выпадае больш за 500 мм ападкаў.

Насельніцтва

Паводле вынікаў перапісу 2001 року насельніцтва места складала 13 203 асобы, зь якіх 24,62% пазначылі роднай моваю ўкраінскую 75,03% — расейскую, 0,10% — беларускую, па 0,08% — армянскую і грэцкую, па 0,02% — малдоўскую, 0,01% — гагавускую і нямецкую мовы^[2].

Мэмарыял загіблым воям — танк ІС-3

Мінуўшчына

Заснаванае ў 1970 року як паселішча ў сувязі з будаўніцтвам Вуглегорскай ДРЭС. Статус места атрымала ў 1992 року.

29 сакавіка 2013 р. на Вуглегорскай электрастанцыі адбыўся пажар. Загінуў 1 чалавек, 11 былі шпіталізаваныя^[3]. Пашкоджаныя 4 энэргаблёкі першай чаргі. Станцыя была адключаная ад энэргасыстэмы.

Гаспадарка

Больш за палову занятых у народнай гаспадарцы працуюць на Вуглягорскай электрастанцыі і зьвязаных зь ёю прадпрыемствах.

Культура

У месьце функцыянуюць 2 агульнаадукацыйныя школы, музычная школа, палац спорту і палац культуры.