Сьвірскі сельсавет (Мядзельскі раён)

Сьві́рскі сельсаве́т — адміністрацыйна-тэрытарыяльная адзінка ў складзе Мядзельскага раёну Менскай вобласьці. Адміністрацыйны цэнтар — вёска Сьвір.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Сьвірскі сельсавет.

Сьвірскі сельсавет лац. Śvirski sielsaviet
Агульныя зьвесткі
Краіна	Беларусь
Статус	сельсавет Беларусі[d]
Адміністрацыйны цэнтар	Сьвір
Дата ўтварэньня	28 траўня 2013
Насельніцтва	2161 чал. (2019)
Мэдыя-зьвесткі
Часавы пас	UTC+03:00
Паштовыя індэксы	222387
Дадатковыя мультымэдыйныя матэрыялы

Гісторыя

Утвораны 12 кастрычніка 1940 году ў складзе Сьвірскага раёнуа Вялейскай вобласьці БССР. Цэнтар — вёска Сьвір. З 20 верасьня 1944 году ў складзе Маладэчанскай вобласьці. 16 ліпеня 1954 году да сельсавету далучана тэрыторыя скасаваных Куцкоўскага і Супраненцкага сельсаветаў^[1]. 25 красавіка 1958 году сельсавет скасаваны, населеныя пункты перададзены ў адміністрацыйнае падпарадкаваньне Сьвірскаму пассавету.

З 31 жніўня 1959 году пассавет у складзе Мядзельскага раёну. З 20 студзеня 1960 году ў складзе Менскай вобласьці. 10 траўня 1960 году да пассавету далучана тэрыторыя скасаванага Канстанцінаўскага сельсавету^[2].

28 красавіка 2004 году ў склад Нарацкага сельсавету перададзены хутары Глыбокі Ручай і Рыдупля^[3].

28 траўня 2013 году Сьвірскі пасялковы савет рэарганізаваны ў сельсавет^[4].

Насельніцтва

Насельніцтва пассавету паводле перапісу 2009 году (без Сьвіра) — 1685 чалавек^[5], зь іх 92,9% — беларусы, 3,2% — расецы, 2,9% — палякі^[6].