Сяргей Алейнік

Сярге́й Фё́даравіч Але́йнік (нар. 28 студзеня 1965 году ў Менску) — беларускі палітык і дыплямат. Міністар замежных спраў Беларусі (2022—2024).

Сяргей Алейнік лац. Siarhiej Alejnik
Міністар замежных спраў
13 сьнежня 2022 — 27 чэрвеня 2024
Прэзыдэнт	Аляксандар Лукашэнка
Папярэднік	Уладзімер Макей
Наступнік	Максім Рыжанкоў
Намесьнік міністра замежных спраў
9 студзеня 2009 — 9 студзеня 2013
Прэзыдэнт	Аляксандар Лукашэнка
Прэм’ер-міністар	Сяргей Сідорскі
Надзвычайны і Паўнамоцны Амбасадар Рэспублікі Беларусь пры Сьвятым Прастоле
10 красавіка 2008 — 27 сакавіка 2025[1]
Прэзыдэнт	Аляксандар Лукашэнка
Папярэднік	Уладзімер Каралёў
Наступнік	Юры Амбразевіч
Асабістыя зьвесткі
Нарадзіўся	28 студзеня 1965(1965-01-28) (60 гадоў) Менск
Адукацыя	Менскі дзяржаўны пэдагагічны інстытут замежных моваў (1986)
Узнагароды

Вікіпэдыя мае артыкулы пра іншых асобаў з прозьвішчам Алейнік.

Біяграфія

Скончыў Мінскі дзяржаўны педагагічны інстытут замежных моваў (1986). На дыпляматычнай службе з 1992 году. У 1997 і, другі раз, у 1998 году прызначаны быў Пастаянным прадстаўніком Рэспублікі Беларусь пры Арганізацыі па забароне хімічнай зброі^[2][3]. З 5 кастрычніка 2002 году быў Пастаянным прадстаўніком пры аддзяленьні Арганізацыі Аб’яднаных Нацыяў і іншых міжнародных арганізацыях у горадзе Жэнэве^[4].

10 красавіка 2008 году быў прызначаны Надзвычайным і Паўнамоцным Амбасадарам Рэспублікі Беларусь пры Сьвятым Прастоле, Надзвычайным і Паўнамоцным Амбасадарам Рэспублікі Беларусь пры Незалежным Ваенным Ордэне Госьпіталераў Сьвятога Яна Ерусалімскага, Радоса й Мальты па сумяшчальніцтве^[5].

9 студзеня 2009 году быў прызначаны намесьнікам міністра замежных справаў^[6] з захаваньнем пасадаў амбасадара^[7]. Адстаўлены быў толькі з пасады Пастаяннага прадстаўніка ў Жэнэве^[8]. З пасады ў міністэрстве адстаўлены стаў 9 студзеня 2013 году^[9].

8 студзеня 2013 году стаў амбасадарам у Аб’яднаным Каралеўстве Вялікае Брытаніі ды Паўночнае Ірляндыі а таксама амбасадарам у Рэспубліцы Ірляндыя па сумяшчальніцтве^[10].

У 2020 стаў намесьнікам Уладзімера Макея ў Міністэрстве замежных справаў, дзе ўжо працаваў з 2009 па 2013 гг. 10 лютага 2022 году Лукашэнка паставіў Алейніка першым намесьнікам Макея.

Пасьля раптоўнай сьмерці Макея 13 сьнежня 2022 году Аляксандар Лукашэнка прызначыў яго міністрам замежных спраў^[11].

27 чэрвеня 2024 году Алейнік быў вызвалены ад пасады міністра замежных спраў і прызначаны членам Савету Рэспублікі Нацыянальнага сходу Рэспублікі Беларусь^[12].