Сяргей Альшэўскі

Сярге́й Сярге́евіч Альшэ́ўскі (нар. 15 траўня 1984) — фінансавы дырэктар «Press Club Belarus», беларускі палітвязень.

Сяргей Альшэўскі
Дата нараджэньня	15 траўня 1984(1984-05-15) (40 гадоў)
Месца вучобы	факультэт матэматыкі й інфарматыкі ГарДзУ[d][1]
Занятак	школьны настаўнік, выкладчык
Месца працы	Прэс-клюб Беларусь[2] Нацыянальны інстытут адукацыі[d] Міністэрства адукацыі Рэспублікі Беларусь

Вікіпэдыя мае артыкулы пра іншых асобаў з прозьвішчам Альшэўскі.

Жыцьцяпіс

Скончыў факультэт матэматыкі й інфарматыкі, пасьля асьпірантуру Гарадзенскага дзяржаўнага ўнівэрсытэту^[3].

Выкладаў матэматыку й інфарматыку ў школе, прафэсійна-тэхнічнай вучэльні, унівэрсытэце; працаваў у Нацыянальным інстытуце адукацыі^[4][5], Галоўным інфармацыйна-аналітычным цэнтры Міністэрства адукацыі^[3]. Кіраўнік праекту «Народны падручнік»^[6].

Сябра Аб’яднанай грамадзянскай партыі. Тройчы^[3] вылучаўся ў дэпутаты Палаты прадстаўнікоў па Нёманскай выбарчай акрузе №56^[7].

Затрыманы 22 сьнежня 2020 року ў сядзібе «Press Club Belarus», у загараднай хаце ў часе ператрусу забраныя ягоныя ноўтбукі ды банкаўскія карткі. 31 сьнежня выстаўленае абвінавачваньне ва «ўхіленьні ад выплаты падаткаў, збораў у асабліва буйным памеры»^[8].

13 студзеня 2021 року сумеснай заяваю адзінаццаці праваабарончых арганізацыяў Сяргей Альшэўскі разам зь іншымі арыштаванымі супрацоўнікамі «Press Club Belarus» быў прызнаны палітычным зьняволеным^[9].

19 жніўня Сяргей Альшэўскі і супрацоўнікі «Прэс-клюбу» вызваленыя паводле памілаваньня^[10].

Жанаты. Ад першага шлюбу мае двух дачок.