Сяргей Рублеўскі

Сярге́й Васі́льевіч Рубле́ўскі (24 сьнежня 1954, в. Бабча, Лепельскі раён, Віцебская вобласьць — 13 траўня 2025, Віцебск, Беларусь) — беларускі паэт, празаік, публіцыст, рэдактар.

Сяргей Рублеўскі
Асабістыя зьвесткі
Нарадзіўся	24 сьнежня 1954(1954-12-24) (70 гадоў) Бабча[d], Каменскі сельсавет, Лепельскі раён, Віцебская вобласьць, БССР, СССР
Памёр	13 траўня 2025 Віцебск
Пахаваны	вёска Бабча Лепельскага раёну, Віцебскай вобласьці
Літаратурная дзейнасьць
Род дзейнасьці	публіцыст, пісьменьнік, паэт, журналіст
Мова	беларуская мова[1]
Узнагароды	Гліняны Вялес (2012) Залаты апостраф (2020)

Жыцьцяпіс

Нарадзіўся 24 сьнежня 1954 году ў в. Бабча Лепельскага раёну Віцебскай вобласьці ў сям’і калгасьнікаў.

Скончыў Бароўскую сярэднюю школу, фізыка-матэматычны факультэт Віцебскага пэдагагічнага інстытуту. Пасьля вучобы працаваў настаўнікам у Капыльскім раёне.

З 1978 году ў журналістыцы. Працаваў у Бешанковіцкай раённай газэце «Зара», у Талачынскай — «Сьцяг Ільліча», у абласной — «Віцебскі рабочы».

З 1990 году, з дня заснаваньня, да 2008 году — галоўны рэдактар абласной газэты «Народнае слова». З 2008 па 2013 год — начальнік аддзелу па архівах і справаводзтву галоўнага кіраўніцтва юстыцыі Віцебскага аблвыканкама.

Сябра Саюзу беларускіх пісьменьнікаў з 2001 году.

Памёр 13 траўня 2025. Пахаваны ў роднай вёсцы Бабча Лепельскага раёну^[2].

Бібліяграфія

• 2000 — «Апостраф»
• 2003 — «Азярод»
• 2005 — «Абмытыя валуны»
• 2008 — «Ў, тое, што мы скарацілі»
• 2011 — «Маўчаньне на ўвесь Божы сьвет»
• 2012 — «Сьвятло лускі»
• 2012 — «Пасьпець надыхацца»
• 2016 — «Мамін шэпт пад абразамі»

Узнагароды

• прэмія «Гліняны Вялес» (2012) за кнігу «Пасьпець надыхацца»^[3].
• прэмія «Залаты апостраф» (2020) за лепшыя празаічныя творы ў 2020 годзе^[4].