Тамара Фунічэльлё

Тамара Фунічэльлё (па-італьянску: Tamara Funiciello, нар. 20 сакавіка 1990, Бэрн, Швайцарыя) — швайцарскі палітык Сацыял-дэмакратычнае партыі(be). Дэпутат Нацыянальнай Рады(pl) Фэдэральнага Сходу Швайцарыі(be) з 2019 году.

Тамара Фунічэльлё
Дата нараджэньня	20 сакавіка 1990(1990-03-20) (35 гадоў)
Месца нараджэньня	Бэрн
Месца вучобы	Жэнэўскі ўнівэрсытэт[d] Бэрнскі ўнівэрсытэт[d]
Занятак	палітык
Сайт	tamarafuniciello.ch (ням.)
Тамара Фунічэльлё ў Вікісховішчы

Ранняе жыцьцё й адукацыя

Нарадзілася ў 1990 годзе ў сям’і рабочых^[1]. Швайцарка-маці працавала ў розьнічным гандлі, а італьянскага паходжаньня бацька — на фабрыцы^[2][1]. Месцам нараджэньня быў горад Бэрн, але дзяцінства было праведзена на востраве Сардынія ў Італіі. Там Фунічэльлё вучылася ў пачатковай школе камуны Боза(be)^[1]. У 2000 годзе сям’я вярнулася ў Бэрн і Фунічэльлё адправілі ў сярэднюю школу камуны Наянэг(simple) кантону Бэрн^[1]. Скончыўшы сярэднюю школу, яна пачала вывучаць міжнародныя адносіны ва Ўнівэрсытэце Жэнэвы(be), пазьней перавялася ў Бэрнскі ўнівэрсытэт(be), дзе вывучала гісторыю й сацыяльныя навукі. Працавала ў некалькі розных галінах^[1]. У 2013 годзе стала сакратаром прафсаюзу «Unia(de)»^[3]. Яна вырашыла заняцца абаронаю правоў працаўнікоў пасьля таго, як у 2011 годзе ейнага бацьку звольнілі з фабрыкі^[4].

Палітычная кар’ера

Пачала палітычную кар’еру ў якасьці чальца рады дырэктараў «Маладых сацыялістаў Швайцарыі(de)», моладзевай арганізацыі Сацыял-дэмакратычнае партыі Швайцарыі(be), па гораду Бэрн. Пазьней стала прэзыдэнтам «Маладых сацыялістаў Швайцарыі(de)» ў кантоне Бэрн, чальцом праўленьня бэрнскага аддзяленьня Сацыял-дэмакратычнай партыі Швайцарыі(de). У 2016 годзе ўзначаліла «Маладых сацыялістаў Швайцарыі(de)» на канфэдэратыўным узроўні^[5]. На муніцыпальных выбарах 25 сакавіка 2018 году была абраная прадстаўніком Сацыял-дэмакратычнае партыі(be) ў Вялікай радзе кантону Бэрн(de)^[6]. У жніўні 2019 году сышла з пасады старшыні «Маладых сацыялістаў Швайцарыі(de)»^[7][5].

На парлямэнцкіх выбарах 20 кастрычніка 2019 году была абраная дэпутатам Нацыянальнай Рады(pl) Фэдэральнага Сходу Швайцарыі(be); у парлямэнце стала чальцом юрыдычнай камісіі^[8]. 29 лютага 2020 году была абраная супрэзыдэнтам жаночага аддзяленьня Сацыял-дэмакратычнае партыі Швайцарыі(be)^[9].

Палітычныя пазыцыі

Ідэнтыфікуе сябе марксісткаю й натхняецца дэвізам Розы Люксэмбург: «Самае рэвалюцыйнае, што можна зрабіць, гэта заўсёды гучна абвяшчаць тое, што адбываецца»^[10]. Лічыць за лепшае адстойваць палітыку Сацыял-дэмакратычнае партыі(be), а не ісьці на кампрамісы^[11]. У 2019 годзе, калі была абраная дэпутатам Нацыянальнай Рады(pl), ідэнтыфікавала сябе ў першую чаргу як прафсаюзную актывістку й толькі ў другараднай ролі палітычнаю дзяячкаю^[4]. Зьяўляецца актывісткаю за правы жанчынаў, была вядучаю фігураю падчас агульнанацыянальнай жаночай забастоўкі 2019 году(en), другой за ўсю гісторыю Швайцарыі^[12].

Акрамя таго, зьяўляецца чальцом рады дырэктараў швайцарскага аддзяленьня эўрапейскай недзяржаўнай арганізацыі за сацыяльную справядлівасьць «Solidar(it)»^[13]. 15 студзеня 2021 году ўзяла шэфства над Міколам Дзядком, беларускім грамадзка-палітычным дзеячам і палітычным вязьнем^[14].

Асабістае жыцьцё

У чэрвені 2019 году ўпершыню публічна пракамэнтавала сваю сэксуальную арыентацыю, назваўшы сябе бісэксуальнаю^[15]. У якасьці месца паходжаньня(de) ў Фунічэльлё пазначана камуна Гурбру(pl)^[8]. Яшчэ Фунічэльлё гуляла ў хакей на траве за жаночую каманду клюбу «Янг Бойз Бэрн» і моладзевую зборную Швэйцарыі(pl), з якой выйграла золата Моладзевага (да 21 году) Чэмпіянату Эўропы па хакею на траве сярод жанчынаў у дывізіёне C^[2].