Татарка (Асіпавіцкі раён)

Тата́рка^[2] — мястэчка^[a] ў Беларусі, каля вытоку ракі Ваўчанкі. Уваходзіць у склад Асіпавіцкага раёну Магілёўскай вобласьці. Насельніцтва на 2018 год — 698 чалавек^[1]. Знаходзіцца за 12 км на паўднёвы ўсход ад Асіпавічаў, за 148 км на паўднёвы захад ад Магілёва, за 4 км на паўднёвы захад ад шашы М5 (E5). Чыгуначная станцыя на лініі Менск — Бабруйск.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Татарка.

Татарка лац. Tatarka
Першыя згадкі:	XIX стагодзьдзе
Працоўны пасёлак з:	1949
Краіна:	Беларусь
Вобласьць:	Магілёўская
Раён:	Асіпавіцкі
Сельсавет:	Татаркаўскі сельсавет
Вышыня:	159 м н. у. м.
Насельніцтва:	698 чал. (2018)[1]
Часавы пас:	UTC+3
Тэлефонны код:	+375 2235
Паштовы індэкс:	213740
СААТА:	7248873906
Нумарны знак:	6
Геаграфічныя каардынаты:	53°15′17″ пн. ш. 28°49′10″ у. д.
Татарка на мапе Беларусі ± Татарка Татарка
Галерэя здымкаў у Вікісховішчы

Гісторыя

Інтэрнат для работнікаў, 1941 г.

Чыгуначная станцыя, 1941—44 гг.

Упершыню Татарка ўпамінаецца ў 2-й палове XIX стагодзьдзя як вёска ў Бабруйскам павеце^[3]. З 1873 году тут пачала працаваць станцыя Лібаўска-Роменскай чыгункі.

25 сакавіка 1918 году згодна з Трэцяй Устаўной граматай Татарка абвяшчалася часткай Беларускай Народнай Рэспублікі. 1 студзеня 1919 году згодна з пастановай І зьезду КП (б) Беларусі яна ўвайшла ў склад Беларускай ССР, аднак 16 студзеня Масква адабрала вёску разам зь іншымі этнічна беларускімі тэрыторыямі ў склад РСФСР. У 1924 годзе Татарку вярнулі БССР, у Асіпавіцкім раёне Бабруйскай акругі, з 1938 году ў Магілёўскай вобласьці. У 1944—1954 гадох у Бабруйскай вобласьці. З 1949 году працоўны пасёлак.

Насельніцтва

Дэмаграфія

• XIX стагодзьдзе: 1897 год — 0,3 тыс. чал.^[4]
• XX стагодзьдзе: 1939 год — 0,8 тыс. чал.^[4]; 1970 год — 1,6 тыс. чал.^[4]; 1989 год — 1,2 тыс. чал.^[4]; 1991 год — 1 тыс. чал.^[4]
• XXI стагодзьдзе: 2001 год — 1 тыс. чал.^[5]; 2006 год — 900 чал.; 2009 год — 771 чал.^[6] (перапіс); 2016 год — 720 чал.^[7]; 2017 год — 705 чал.^[8]; 2018 год — 698 чал.^[1]

Інфраструктура

У Татарцы працуюць дашкольная ўстанова, сярэдняя і музычная школы, амбуляторыя, паліклініка, клюб, пошта.

Эканоміка

Прадпрыемствы паліўнай прамысловасьці.

Заўвагі

1. афіцыйны статус — працоўны пасёлак