Тацяна Котава

Тацяна Мікалаеўна Котава (3 верасьня 1985, пас. Шалахоўскі, Растоўская вобласьць) — уладальніца тытула «Міс Расея-2006»; расейская сьпявачка, удзельніца жаночага поп-гурта «ВИА Гра».

Тацяна Котава
па-расейску: Татьяна Николаевна Котова
Тацяна Котава
Дата нараджэньня	3 верасьня 1985 (39 гадоў)
Месца нараджэньня	пас. Шалахоўскі, Растоўская вобласьць
Грамадзянства	Расея Украіна
Месца вучобы	Паўднёвы федэральны ўніверсітэт[d]
Прафэсія	мадэль, сьпявачка
Псэўданімы	KOTTOVA[1]
Жанры	эстрада
Інструмэнты	голас[d]
Псэўданімы	KOTTOVA[1]
Лэйблы	Moon Records[d]
Сайт	kotova.info www.via-gra.ru
Тацяна Котава ў Вікісховішчы

Тацяна Котава па спэцыяльнасьці эканаміст і мэнэджар па «антыкрызісным кіраваньні».

У 2006 годзе заваявала тытул Міс Расея-2006 і магчымасьць прадстаўляць Расею ў конкурсе прыгажосьці Міс Сьвету-2007 і Міс Сусьвет-2007. Была адна з фаварытак у конкурсе Міс Сусьвет-2007, але не дайшла да паўфіналу. Тацяна Котава зьяўляецца трэцяй дзяўчынай Расеі, якая прыняла ўдзел у абодвух конкурсах прыгажосьці Міс Сусьвет і Міс Сьвету.

У сакавіку 2008 году было абвешчана, што Тацяна Котава далучыцца да расейска-ўкраінскага поп-гурта «ВИА Гра» пасьля сыходу Веры Брэжневай у ліпені 2007 году.

Гурт ВИА Гра

З сакавіка 2008 году Тацяна Котава зьяўляецца ўдзельніцай папулярнага ўкраіна-расейскага гурта «ВИА Гра». Дэбютным відэа Тацяны стаў кліп «Я не боюсь» (па-беларуску: Я не баюся), у якім яна зьнялася з астатнімі ўдзельніцамі гурта. Першымі выступамі Тацяны ў складзе гурта сталі канцэрты ў Маскве, Сангэйт Порт Раял (Анталія, Турэччына) і Огрэ (Латвія). Першай тэлевізійнай здымкай стаў канцэрт, прысьвечаны 30-годзьдзю газэты «Аргументы и факты».