Тым Візэ

Тым Візэ (па-нямецку: Tim Wiese; нар. 17 сьнежня 1981 году, Бэргіш-Глядбах, Нямеччына) — нямецкі футбаліст, брамнік. За нацыянальную зборную Нямеччыны правёў 6 матчаў.

Тым Візэ
Пэрсанальная інфармацыя
Нарадзіўся	17 сьнежня 1981(1981-12-17)[1][2][3] (43 гады) Бэргіш-Глядбах, Кёльн[d], Паўночны Райн — Вэстфалія, Заходняя Нямеччына
Рост	193 см
Вага	117 кг
Пазыцыя	брамнік
Клюбы
Гады	Клюб	Гульні (галы)¹
1999—2001	Фартуна Кёльн[d]	23 (0)
2001—2003	Кайзэрсьляўтэрн II[d]	15 (0)
2002—2005	Кайзэрсьляўтэрн	65 (0)
2005—2012	Вэрдэр	194 (0)
2012—2014	Гофэнгайм	10 (0)
Зборныя
2003—2005	Нямеччына (да 21)[d]	13 (0)
2008—2012	Нямеччына	6 (0)

Кар’ера

Раньнія гады

Тым зьяўляецца выхаванцам левэркузэнскага «Баеру», ён 10 гадоў выступаў за дзіцячыя й моладзевыя каманды гэтага клюбу. У дарослым футболе дэбютаваў у 2000 годзе ў складзе «Фартуны» з Кёльну, у трэцім нямецкім дывізіёне.

«Кайзэрсьляўтэрн»

У ходзе зімовага трансфэрнага акна сэзону 2001—2002 гадоў перайшоў у клюб найвышэйшага дывізіёну «Кайзэрсьляўтэрн», дзе спачатку гуляў за дублюючы склад у трэцім дывізіёне. Першапачаткова Візэ быў трэцім брамнікам пасьля Георга Коха й Романа Вайдэнфэлера. Пасьля трансфэру Вайдэнфэлера ў дортмундзкую «Барусію» пачалася барацьба паміж Візэ й Кохам за права быць асноўным галкіпэрам каманды; Тым дэбютаваў у Бундэсьлізе ў пачатку сэзона 2002—2003 гадоў, але, прапусьціўшы ў двух матчах чатыры мячы, ізноў саступіў месца Коху. Пасьля зімовага перапынку Візэ ўсё ж стаў асноўным галкіпэрам каманды й быў прызнаны адным з самых таленавітых маладых брамнікаў Бундэсьлігі. Візэ быў асноўным брамнікам клюбу ў сэзоне 2003—2004 гадоў, прапусьціўшы толькі два матчы (з-за чырвоных картак). Тым заставаўся асноўным брамнікам «Кайзэрсьляўтэрна» да канца лістапада 2004 году, калі саступіў сваё месца вэтэрану Томасу Эрнсту.

«Вэрдэр»

Візэ пераехаў у Брэмэн ў 2005 годзе, меў магчымасьць выцесьніць з асноўнага складу пастарэлага Андрэаса Райнке, але парваў крыжападобныя зьвязкі й цалкам прапусьціў першую палову сэзона. Дэбютаваў у Бундэсьлізе у складзе «Вэрдэра» ў гасьцявым матчы супраць «Штутгарту» ў лютым 2006 году, пасьля сур’ёзнай траўмы Райнке, і затым заставаўся асноўным брамнікам да канца сэзона 2005—2006 гадоў.

«Гофэнгайм»

2 траўня 2012 году Тым Візэ падпісаў кантракт з «Гофэнгаймам», якому ён дастаўся бескаштоўна, таму што ягоны кантракт з «Вэрдэрам» сканчаўся ўлетку 2012 году^[4].

Міжнародная кар’ера

Тым Візэ дэбютаваў у складзе зборнай Нямеччыны 19 лістапада 2008 году ў матчы супраць зборнай Ангельшчыны (1:2), замяніўшы ў перапынку Рэнэ Адлера, на 84-й хвіліне таго матчу прапусьціў вырашальны гол ад Джона Тэры.

Дасягненьні

Клюбныя

«Вэрдэр»:

• Уладальнік Кубка Нямеччыны: 2009
• Уладальнік Супэркубка Нямеччыны: 2009
• Уладальнік Кубка Нямецкай лігі: 2006

Міжнародныя

Нямеччына:

• Бронзавы прызэр чэмпіяната сьвету: 2010