Т’ягу Сылва

Т’я́гу Эмілія́ну да Сы́лва (па-партугальску: Thiago Emiliano da Silva; нар. 22 верасьня 1984 году, Рыю-дэ-Жанэйру, Бразылія) — бразыльскі футбаліст, абаронца клюбу «Флумінэнсі» і нацыянальнай зборнай Бразыліі.

Т’ягу Сылва
Пэрсанальная інфармацыя
Нарадзіўся	22 верасьня 1984(1984-09-22)[1][2] (41 год) Рыю-дэ-Жанэйру, Бразылія
Рост	183 см
Вага	79 кг
Пазыцыя	цэнтральны абаронца
Клюбная інфармацыя
Клюб	Флумінэнсі
Нумар	3
Клюбы
Гады	Клюб	Гульні (галы)¹
2002—2003	Пэдрабранка[d]	25 (2)
2003—2004	Жувэнтудзі[d]	28 (3)
2004—2005	Порту	0 (0)
2004—2005	Порту Б[d]	14 (5)
2005	→ Дынама Масква	0 (0)
2006—2008	Флумінэнсі	81 (6)
2009—2012	Мілян	93 (5)
2012—2020	Пары Сэн-Жэрмэн	204 (9)
2020—2024	Чэлсі	113 (8)
2024—4	Флумінэнсі	29 (1)
Зборныя
2008—2022	Бразылія	113 (7)

Кар’ера

Раньнія гады

Першай дарослай камандай Т’ягу Сылвы быў «Жувэнтудэ», неўзабаве ён прыцягнуў увагу эўрапейскіх клюбаў і адправіўся спачатку ў «Порту», а затым у 2005 годзе ў маскоўскае «Дынама», якое тады актыўна закупляла партугальскіх і бразыльскіх легіянэраў^[3]. Т’ягу знаходзіўся толькі ў арэндзе, тэрмін якой скончыўся ў 2007 годзе, тады як кантракт з «дынамаўцамі» ў футбаліста дзейнічаў яшчэ да канца 2008 году. У Расеі Т’ягу сур’ёзна захварэў на сухоты. У 2006 годзе абаронца вярнуўся на радзіму, дзе выступаў за «Флумінэнсі». Ён стаў адным зь лідэраў каманды, якая здолела дайсьці да фіналу Кубку Лібэртадорэс у 2008 годзе.

«Мілян»

У сьнежні 2008 году Т’ягу далучыўся да «Міляну» за 10 мільёнаў эўра^[4]. Дэбютаваў за клюб у таварыскай гульні супраць «Гановэру-96»^[5]. Афіцыйны дэбют адбыўся ў матчы супраць «Сіены» на старце сэзону 2009—2010 гадоў^[6]. У цэлым правёў сэзон на высокім узроўні, практычна не дапускаючы памылак, і зрэдку атрымліваючы траўмы. Улетку 2010 году гульцом зацікавіўся мадрыдзкі «Рэал», але «Мілян» адмовіў гішпанцам у продажы. 18 траўня 2011 году гулец падоўжыў кантракт зь «Мілянам» тэрмінам да 30 чэрвеня 2016 году^[7].

«Пары Сэн-Жэрмэн»

14 ліпеня 2012 году гулец падпісаў кантракт з францускім клюбам «Пары Сэн-Жэрмэн» тэрмінам на 5 гадоў^[8][9]. Паводле дамовы гадавая заробная плата гульца склала 12 мільёнаў эўра. У першым сэзоне выступаў за францускі клюб каманда сталася чэмпіёнам Францыі.

Міжнародныя выступы

Т’ягу Сылва быў абраны Дунгам да Алімпіяды 2008 году ў склад алімпійскай зборнай Бразыліі. Ён быў адным з двух гульцоў старэйшых за 23-гадовы ўзрост, іншым футбалістам стаў Раналдыньню. Да Алімпіяды Сылва правёў два таварыскіх матчы ў складзе зборнай, супраць зборнай Сынгапуру й Віетнаму.

Дасягненьні

«Флумінэнсі»:

• Уладальнік Кубка Бразыліі: 2007

«Мілян»:

• Чэмпіён Італіі: 2011
• Уладальнік Супэркуба Італіі: 2011

«Пары Сэн-Жэрмэн»:

• Чэмпіён Францыі: 2013, 2014, 2015, 2016, 2018, 2019, 2020
• Уладальнік Кубка Францыі: 2015, 2016, 2017, 2018, 2020
• Уладальнік Кубка францускае лігі: 2014, 2015, 2016, 2017, 2018, 2020
• Уладальнік Супэркубка Францыі: 2013, 2015, 2017, 2018, 2019

«Чэлсі»:

• Пераможца Лігі Эўропы: 2021
• Уладальнік Супэркубка УЭФА: 2021
• Пераможца клюбнага чэмпіянату сьвету: 2021

Бразылія:

• Уладальнік Кубка Амэрыкі: 2019