Флумінэнсі Рыю-дэ-Жанэйру

«Флумінэ́нсі» (па-партугальску: Fluminense Football Club) — бразыльскі футбольны клюб з гораду Рыю-дэ-Жанэйру, заснаваны ў 1902 годзе. Чатырохразовы чэмпіён Бразыліі (1970, 1984, 2010, 2012), 31-разовы чэмпіён штату Рыю-дэ-Жанэйру. Клюб зьяўляецца адным з чатырох традыцыйных грандаў свайго штату разам з «Фламэнгу», «Батафогу» і «Вашку да Гама» і адным з традыцыйна наймацнейшых футбольных клюбаў Бразыліі, сузаснавальнік Клюбу трынаццаці, арганізацыі самых папулярных і тытулаваных клюбаў Бразыліі. Агульная колькасьць заўзятараў клюбу дасягае 9 млн чалавек.

Флумінэнсі
Поўная назва	Fluminense Football Club
Заснаваны	1902
Горад	Рыю-дэ-Жанэйру, Бразылія
Стадыён	Маракана Умяшчальнасьць: 78 639
Галоўны трэнэр	Рэнату Гаушу[d][1]
Чэмпіянат	Сэрыя A
· 2024	13 месца
Галерэя здымкаў у Вікісховішчы fluminense.com.br/… (парт.)

Гісторыя

Фундатар «Флумінэнсі» Оскар Кокс.

Футбольны клюб «Флумінэнсі» быў заснаваны 21 ліпеня 1902 году ў раёне Ларанжэйрас гораду Рыю-дэ-Жанэйру групай маладых футбольных энтузіястаў на чале з Оскарам Коксам, грамадзянінам Ангельшчыны. Фокс нарадзіўся ў Бразыліі і пазнаёміўся з футболам падчас навучаньня ў Эўропе. Кокс пасьля быў абраны першым прэзыдэнтам клюбу^[2]. Такім чынам, гэта быў першы футбольны клюб, заснаваны ў горадзе, а самым папулярным відам спорту ў той час было акадэмічнае веславаньне^[3].

Першы афіцыйны матч быў згуляны супраць цяпер ня існага футбольнага клюбу «Рыю». «Флумінэнсі» перамог зь лікам 8:0^[4]. Першы тытул быў здабыты ў 1906 годзе, калі «Флумінэнсі» выйграў чэмпіянат штату Рыю-дэ-Жанэйру^[4]. У 1911 годзе рознагалосьсі паміж гульцамі «Флумінэнсі» прывялі да стварэньня асобнага клюбу «Фламэнгу»^[4]. Дэрбі паміж гэтымі камандамі вядомае як Фла-Флу і лічыцца адным з найбуйнейшых у гісторыі бразыльскага футболу^[5]. Да 1922 году ў «Флумінэнсі» налічвалася ўжо 4 тысячы сябраў, а стадыён на 25 тысяч чалавек уражваў нават клюбы з Эўропы^[6].

Каманда «Флумінэнсі» ў 1960 годзе.

Чэмпіянат сьвету 1950 году ўмацаваў футбол у краіне, у выніку чаго найбуйнейшыя каманды краіны, якія звычайна бралі ўдзел толькі ў мясцовых турнірах, пачалі спаборнічаць з камандамі зь іншых дзяржаваў. Дзеля правядзеньня такіх спаборніцтваў была пабудаваная Маракана, якая стала найбуйнейшым стадыёнам у сьвеце на той час. Гэты стадыён стаў хатнім для «Флумінэнсі»^[7]. У 1951 годзе каманда стала чэмпіёнам Лігі Карыёкі, што азначала кваліфікацыю каманды на Кубак Рыю 1952 году. У тым складзе былі выбітныя гульцы, якія прадстаўлялі бразыльскую зборную, як то Карлус Кастыльлю, Піндару, Піньейру, Дыдзі, Арланду Пінгу дэ Ору і Тэле Сантана. З 1960-х гадоў у Бразыліі пачалі ладзіцца першыя нацыянальныя чэмпіянаты, каб краіна магла накіраваць сваіх прадстаўнікоў на Кубак Лібэртадорэс. Першы нацыянальны тытул «Флумінэнсі» здабыў у 1970 годзе.

Футбалісты зноў сталі чэмпіёнамі Бразыліі ў 1984 годзе, згуляўшы ў фінале супраць супернікаў з «Вашку да Гама». Цягам дзесяцігодзьдзя яны таксама здабылі тры тытулы чэмпіёнаў штату запар у 1983, 1984 і 1985 гадах, перамогшы свайго галоўнага суперніка «Фламэнгу» ў фінале першых двух з памянёных гадоў. У канцы 1980-х гадоў быў створаны Кубак Бразыліі, натхнёны кубкавымі турнірамі, якія ладзяцца ў эўрапейскіх краінах. «Флумінэнсі» ўпершыню выйшаў у фінал кубка ў 1992 годзе, але зазнаў паразу ад «Інтэрнасьёналу» ў сэрыі пэнальці ў спрэчным матчы ў Порту-Алегры.

Дасягненьні

Кашуля хатняй формы каманды сэзону 2022 году.

• Чэмпіён Бразыліі: 4

1970, 1984, 2010, 2012

• Кубак Бразыліі: 1

2007

• Чэмпіён штату Рыю-дэ-Жанэйру: 33

1906, 1907¹, 1908, 1909, 1911, 1917, 1918, 1919, 1924, 1936,

1937, 1938, 1940, 1941, 1946, 1951, 1959, 1964, 1969, 1971,

1973, 1975, 1976, 1980, 1983, 1984, 1985, 1995, 2002, 2005,

2012, 2022, 2023

• Кубак Рыю: 1

1952

• Турнір Рыю-Сан-Паўлу: 2

1957, 1960

• Уладальнікі Кубку Лібэртадорэс: 1
  • 2023

Склад

Актуальны на 20 ліпеня 2025 году

№ Пазыцыя Імя Год нараджэньня 1 Бр Фабію Дэйвасан  1980 2 Аб Самуэл Шавіер  1990 3 Аб Т’ягу Сылва (капітан) 1984 4 Аб Ігнасію  1996 5 ПА Факунда Бэрналь  2003 6 Аб Рэнэ  1992 7 Нап Ефэрсан Сатэльда  1997 8 ПА Матэўс Мартынэльлі  2001 9 Нап Эвэралду Стум  1991 10 ПА Гансу  1989 11 Нап Кену  1991 12 Аб Габрыель Фуэнтэс  1997 14 Нап Хэрман Кана  1988 16 ПА Густаву Нанату  (ар. Сантус) 1998 17 Нап Агустын Канобіё  1998 18 ПА Рубэн Лескана  2004 19 Нап Хаакін Лявэга  2005

№ Пазыцыя Імя Год нараджэньня 22 Аб Хуан Фрэйтэс  2000 23 Аб Гуга  1998 26 Аб Маноэл  1990 27 Бр Марсэлу Піталуга  2002 28 Нап Рыкелмэ Фэліпэ  2007 29 Аб Т’ягу дус Сантус  1989 35 ПА Эркулес Пэрэйра  2000 37 ПА Ісаке  2007 45 ПА Ліма  1996 50 Бр Густаву Рамальлю  2002 66 Аб Леў Жансэ 2005 77 Нап Паўлу Бая  (ар. Прымавэра) 1999 90 Нап Кевін Сэрна  1997 94 ПА Атавію  1994 98 Бр Вітар Эўдэс  1998 — ПА Густаву Апіс  1999 — Нап Джон Кенэдзі  2002