Уладзімер Палуян

Уладзі́мер Мікала́евіч Палуя́н (нар. ў 1961 годзе, в. Некрашэвічы Карэліцкага раёну Гарадзенскай вобласьці БССР) — беларускі дзяржаўны дзяяч, міністар па падатках і зборах Рэспублікі Беларусь (2009—2014).

Вікіпэдыя мае артыкулы пра іншых асобаў з прозьвішчам Палуян.

Уладзімер Палуян
Міністар па падатках і зборах Рэспублікі Беларусь
4 сьнежня 2009 — 27 сьнежня 2014
Прэзыдэнт	Аляксандар Лукашэнка
Прэм’ер-міністар	Сяргей Сідорскі
Папярэднік	Ганна Дзейка
Наступнік	Сяргей Налівайка
Асабістыя зьвесткі
Нарадзіўся	11 лютага 1961(1961-02-11) (64 гады) Некрашэвічы, Турэцкі сельсавет, Карэліцкі раён, Гарадзенская вобласьць, БССР, СССР
Адукацыя	Інстытут народнай гаспадаркі (1988) Акадэмія кіраваньня пры прэзыдэнце Рэспублікі Беларусь (2006)

Біяграфія

1982—1988 — працаваў на МТЗ фрэзэроўшчыкам, наладчыкам, сакратаром камітэту камсамолу.

У 1988 годзе скончыў Беларускі дзяржаўны інстытут народнай гаспадаркі імя В. У. Куйбышава.

1991—1994 — дырэктар шматпрофільнага малога прадпрыемства «Цімэн» у Менску.

1994—1997 — вядучы спэцыяліст, галоўны экспэрт Кантрольнай палаты Беларусі.

1997—2002 — галоўны спэцыяліст, начальнік упраўленьня, намесьнік начальніка галоўнага ўпраўленьня Камітэту дзяржкантролю.

2002—2004 — начальнік інспэкцыі Міністэрства па падатках і зборах па Кастрычніцкім раёне Менску.

З 2004 году — першы намесьнік міністра па падатках і зборах.

У 2006 годзе скончыў Акадэмію кіраваньня пры прэзыдэнце Рэспублікі Беларусь.

З 4 сьнежня 2009 году па 27 сьнежня 2014 — міністар па падатках і зборах Рэспублікі Беларусь.

Санкцыі ЭЗ

10 кастрычніка 2011 году быў унесены ў Чорны сьпіс Эўразьвязу^[1]. Міністар па падатках і зборах рашэнньем Рады Эўрапейскага зьвязу^{[прыбраць шаблён]} ад 15 кастрычніка 2012 году быў прызначаны адказным за дзейнасьць падатковых органаў, якія падтрымалі крымінальную справу супраць праваабаронцы Алеся Бяляцкага, выкарыстоўваючы падставу у выглядзе ўхіленьня ад сплаты падаткаў^[2].