Урбан III

Урбан III (па-лацінску: Urbanus PP. III), сьвецкае імя Умбэрта Крывэльлі (па-італьянску: Umberto Crivelli; 1120, Мілян — 20 кастрычніка 1187, Фэрара) — папа рымскі з 25 лістапада 1185 году па 20 кастрычніка 1187 году.

Урбан III

па-лацінску: Urbanus PP. III
Асабістыя зьвесткі
Нарадзіўся	XII стагодзьдзе[1] Куджона[d], Мілян[d], Лямбардыя
Памёр	20 кастрычніка 1187[1] Фэрара, Фэрарскае герцагства[d]
Пахаваны	Катэдральны сабор Фэрары[d]
Дэнамінацыя	Каталіцкая царква[2]
Адукацыя	Балёнскі ўнівэрсытэт
Заняткі	палітык, каталіцкі сьвятар, каталіцкі біскуп
Герб
Урбан III у Вікісховішчы

Умбэрта нарадзіўся каля 1120 году ў Куджона й паходзіў з шляхетнай мілянскай сям’і Крывэльлі. Атрымаў багаслоўскую адукацыю ў Балёньні. У 1162 годзе разам зь сям’ёй, якая падтрымлівала гвэльфаў, быў выгнаны зь Міляну Фрыдрыхам Барбаросам і зьехаў у Францыю. У Францыі стаў арцыдыяканам Бурскай катэдры, пасьля вяртаньня ў Мілян быў спачатку канонікам, а затым арцыдыяканам Мілянскай катэдры. 9 траўня 1185 году стаў арцыбіскупам Міляну. Пасьля скону Люцыюса III, то бок 25 лістапада 1185 году, Умбэрта быў у той жа дзень абраны папам і ўзяў імя Ўрбан III.

Галоўнай праблемай Урбана III быў канфлікт з імпэратарам Фрыдрыхам Барбаросам, які разгарэўся з новай сілай пры ягоным папярэдніку Люцыюсе III. Адной з прычынаў канфлікту была адмова Фрыдрыха вярнуць Сьвятому Пасаду Таскану.