Франк Варжак

Франк Варжа́к (па-француску: Franck Varjac), сапраўднае імя Франк Шавэро (франц. Franck Chauvereau; нар. 1960, Гаўр, Нармандыя, Францыя) — францускі пісьменьнік.

Франк Варжак
Franck Varjac
Асабістыя зьвесткі
Імя пры нараджэньні	Франк Шавэро, фр. Franck Chauvereau
Псэўданімы	Франк Варжак
Нарадзіўся	1960[1] Гаўр, Нармандыя, Францыя
Літаратурная дзейнасьць
Род дзейнасьці	пісьменьнік
Гады творчасьці	З 2000 году
Дэбют	2000
Значныя творы	L'agneau chaste (2000)

Жыцьцяпіс

Франк Варжак нарадзіўся ў 1960 годзе ў Гаўры, Нармандыя, Францыя. Дзяцінства зь пяці да дзесяці год правёў у Альжыры. Вярнуўшыся на поўдзень Францыі ва ўзросьце дзесяці гадоў, ён жыве і працуе ў Німе^[2].

Творчасьць

Аўтар дэбютаваў у 2000 годзе. Ягоны першы раман L’Agneau chaste (Чысты баранок) меў незвычайны лёс^[3]. Першапачаткова сустрэты маўчаньнем прэсы, паралізаванай тэмай — за прыкметным выключэньнем Le Monde — ён заваяваў прыхільнасьць шырокай публікі падчас перавыданьня ў 2002 у кішэннай калекцыі «Minos»^[4].

La Différence таксама выдала зборнік апавяданьняў L’Œuf et le roc (Яйка і скала) у 2003 годзе^[5].

Пэўны час аўтар зьнік з літаратурнай сцэны. У 2016 годзе вярнуся з раманам Quentin Lussan (Квэнтэн Люсан)^[6].

Улетку 2023 году першы раман пісьменьніка "Чысты баранок" зьявіўся ў Лёндане ў перакладзе Ўладзіслава Гарбацкага на беларускую мову^[7].

У верасьні 2023 году пісьменьнік даў інтэрвію газэце "Новы Час"^[8].

Творы

• 2002: L’Agneau chaste, Éditions de La Différence.
• 2003: L’oeuf et le roc, Éditions de La Différence.
• 2016: Quentin Lussan, Éditions Marivolle/Ramsay.