Францішак Ксавэры Агінскі

Франці́шак Ксавэ́ры Агі́нскі (1742—1814, Маладэчна) — граф, стражнік польны літоўскі, кухмістар вялікі літоўскі, староста рэтаўскі і пшэвальскі.

Францішак Ксавэры Агінскі

Герб «Агінскі»
Асабістыя зьвесткі
Нарадзіўся	1742(1742)
Памёр	1814(1814) Маладэчна
Пахаваны	Маладэчна[1]
Род	Агінскія
Бацькі	Тадэвуш Францішак Агінскі Ізабэла Радзівіл

Біяграфія

Паходзіў з княскай лініі роду Агінскіх, малодшы сын Тадэвуша Францішка Агінскага (1712—1783) і Ізабэлы Радзівіл (1711—1761), дзядзька кампазытара Міхала Клеафаса Агінскага (1765—1833).

Быў барскім канфэдэратам. Будучы стражнікам у ноч на 23 верасьня 1771 году, удзельнічаў у бітве пад Сталовічамі і трапіў у палон. За яго вызваленьне пазьней клапаціўся сам кароль Станіслаў Аўгуст Панятоўскі^[2].

Валодаў маёнткамі ў Маладэчне, Гануце і Залесьсі, апошняе за адсутнасьцю нашчадкаў ў 1802 перайшло да яго пляменьніка Міхала Клеафаса.