Фёдар Чарных

Фёдар Чарных (па-летувіску: Fiodor Černych; нар. 21 траўня 1991 году, Масква, РСФСР) — летувіскі футбаліст, паўабаронца клюбу «Каўна Жальгірыс». Гулец нацыянальнай зборнай Летувы. Паводле паходжаньня зьяўляецца расейцам.

Фёдар Чарных
Пэрсанальная інфармацыя
Нарадзіўся	21 траўня 1991(1991-05-21)[1][2] (34 гады) Масква, СССР[3]
Рост	182 см
Вага	75 кг
Пазыцыя	паўабаронца, нападнік
Клюбная інфармацыя
Клюб	Каўна Жальгірыс
Нумар	19
Клюбы
Гады	Клюб	Гульні (галы)¹
2009—2014	Дняпро Магілёў	85 (14)
2012	→ Нафтан	30 (5)
2014—2015	Гурнік Лэнчна	38 (12)
2015—2017	Ягелёнія	82 (18)
2018—2020	Дынама Масква	31 (3)
2019—2020	→ Арэнбург	11 (0)
2020—2022	Ягелёнія	61 (6)
2023	АЭЛ Лімасол	29 (1)
2024	Керала Бластэрз[d]	10 (3)
2024—4	Каўна Жальгірыс	30 (4)
Зборныя
2012—4	Летува	100 (15)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 22 ліпеня 2025. ² Колькасьць гульняў і галоў за нацыянальную зборную ў афіцыйных матчах, адкарэктавана на 7 чэрвеня 2025.

Кар’ера

Клюбная

Клюбную кар’еру Фёдар распачаў на радзіме ў клюбе другога летувіскага дывізіёну «Гранітас»^[4]. У Магілёве першы раз пабываў разам з клюбам, куды прыехаў на спаборніцтвы. Падчас турніру ў Беларусі форвард быў прыкмечаны Валерыем Стральцовым, і ўлетку 2009 году стаў гульцом магілёўскага «Дняпра». Дэбютаваў у чэмпіянаце Беларусі ў матчы супраць «Смаргоні», дзе выйшаўшы на 20 хвілін гульнявога часу, двойчы забіваў галы ў браму суперніка. На наступны сэзон стаў чальцом асноўнага складу клюбу. У сэзоне 2011 году прапусьціў шмат гульняў з-за траўмы, а клюб вылецеў з Найвышэйшай лігі.

Паколькі правілы БФФ забараняюць браць удзел легіянэрам у спаборніцтвах першай лігі, Фёдар быў вымушаны шукаць іншы клюб дзеля працягу кар’еры. Такім чынам, сэзон 2012 году Чарных правёў у арэндзе ў наваполацкім «Нафтане». Па заканчэньні сэзону да Фёдара праяўлялі цікавасьць беларускія «Дынама» й БАТЭ, а таксама турэцкі «Анкараспор»^[5]. У чэрвені 2014 году пакінуў «Дняпро» па ўзаемнай згодзе бакоў^[6]. У ліпені 2014 году падпісаў кантракт з польскім клюбам «Гурнік» (Лэнчна)^[7].

Міжнародная

Фёдар дэбютаваў у складзе моладзевай зборнай Летувы яшчэ ўлетку 2010 году. 14 кастрычніка 2012 году дэбютаваў у складзе нацыянальнай зборнай Летувы ў таварыскай гульні супраць зборнай Армэніі, згуляўшы за каманду палову гульні.

Дасягненьні

«Дняпро»

• Бронзавы прызэр чэмпіянату Беларусі: 2009

«Нафтан»

• Уладальнік Кубак Беларусі: 2012

Асабістае жыцьцё

Дзядуля Фёдара з матулінага боку быў у свой час савецкім афіцэрам, а пасьля выхаду ў адстайку зьехаў на сталае жыцьцё ў Летуву. Роднай мовай для Чарных зьяўляецца расейская, аднак ён, акрамя таго, добра валодае летувіскай, ангельскай і польскай^[8].