Хавіер Савіёля

Хавіер Пэдра Савіёля Фэрнандэс (па-гішпанску: Javier Pedro Saviola Fernandez; нар. 11 сьнежня 1981 году, Буэнас-Айрэс, Аргентына) — аргентынскі футбаліст, нападнік. У 2000—2007 гадах гулец нацыянальнай зборнай Аргентыны. Маючы гішпанскае паходжаньне ў 2004 годзе атрымаў грамадзянства гэтай краіны. Хавіер уваходзіць у сьпіс «125 найлепшых футбалістаў сьвету» (вядомага як «ФІФА 100»), складзенага Пэле ў 2004 годзе па просьбе ФІФА да стагодзьдзя гэтай арганізацыі.

Хавіер Савіёля
Пэрсанальная інфармацыя
Нарадзіўся	11 сьнежня 1981(1981-12-11)[1][2][3][…] (43 гады) Буэнас-Айрэс, Аргентына
Рост	169 см
Вага	61 кг
Пазыцыя	нападнік
Клюбы
Гады	Клюб	Гульні (галы)¹
1998—2001	Рывэр Плэйт	86 (45)
2001—2007	Барсэлёна	123 (49)
2004—2005	→ Манака	29 (7)
2005—2006	→ Сэвільля	29 (9)
2007—2009	Рэал Мадрыд	17 (4)
2009—2012	Бэнфіка	69 (24)
2012—2013	Маляга	27 (8)
2013—2014	Алімпіякос Пірэй	26 (12)
2014—2015	Вэрона	15 (1)
2015—2016	Рывэр Плэйт	13 (0)
Зборныя
2000—2007	Аргентына	39 (11)
2001	Аргентына (да 20)[d]	7 (11)

Кар’ера

Клюбная

Хавіер дэбютаваў у складзе «Рывэр Плэйт» ва ўзросьце 16 гадоў і амаль адразу стаўся адным з выдатных бамбардзіраў клюбу.

У 2001 годзе, у веку 19 гадоў, Савіёля зьехаў за мяжу, каб гуляць у клюбе «Барсэлёна». Ягоны трансфэр абышоўся гішпанцам у 15 млн фунтаў стэрлінгаў^[4]. Неўзабаве пасьля чаго, у 2004 годзе, Хавіер атрымаў гішпанскае грамадзянства. Пад кіраўніцтвам трэнэра Карлеса Рэшака Савіёля забіў 17 галоў у сваім першым сэзоне, стаўшы чацьвертым бамбардзірам Ля Лігі. Другі год Савіёлы ў клюбе пачаўся ня гэтак добра, бо аргентынец за паўсэзону меў толькі два галы на сваім рахунку. Калі ван Гааль быў звольнены, а Радамір Анціч стаў новым галоўным трэнэрам «Барсэлёны», Савіёля забіў яшчэ 11 гадоў да сканчэньня сэзону. 10 ліпеня 2007 году «Рэал» склаў кантракт з Хавіерам на тры гады, пасьля таго як дзеяньне кантракту з «Барсэлёнай» скончылася^[5]. 26 чэрвеня 2009 году «Бэнфіка» й «Рэал» дамовіліся аб пераходзе аргентынца ў партугальскі клюб, сума дамовы склала 5 млн эўра. У апошнія гадзіны трэнсфэрнага акна 2012 году Савіёля ўзгадніў пераход да «Малягу»^[6], такім чынам вярнуўшыся ў Ля Лігу.

25 ліпеня 2013 году Савіёла падпісаў двухгадовы кантракт з грэцкім чэмпіёнам «Алімпіякосам»^[7]. 1 верасьня 2014 году стала вядома, што сваю кар’еру Савіёля працягне ў італьянскім клюбе «Вэрона»^[8].

Міжнародная

У 2001 годзе дэбютаваў у афіцыйных матчах у складзе нацыянальнай зборнай Аргентыны.