Цараўскі сельсавет

Цараўскі сельсавет — адміністрацыйна-тэрытарыяльная адзінка ў складзе Слуцкага раёну Менскай вобласьці. Адміністрацыйны цэнтар — вёска Цараўцы.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Кіраўскі сельсавет.

Цараўскі сельсавет
Агульныя зьвесткі
Краіна	Беларусь
Статус	сельсавет Беларусі[d]
Адміністрацыйны цэнтар	Цараўцы
Дата ўтварэньня	15 лютага 1935
Насельніцтва	▼2245 чал. (2019)
Месцазнаходжаньне
Дадатковыя мультымэдыйныя матэрыялы

Гісторыя

20 жніўня 1924 году створаны Цараўскі сельсавет у складзе Слуцкага раёну Слуцкай акругі. Цэнтр — вёска Цараўцы. З 9 чэрвеня 1927 году ў складзе Бабруйскай акругі. Пасьля скасаваньня акруговай сыстэмы 26 ліпеня 1930 году ў Слуцкім раёне БССР.

15 лютага 1935 года цэнтар сельсавету перайменаваны ў Кірава, а сельсавет у Кіраўскі. З 21 чэрвеня 1935 году ў Слуцкім раёне Слуцкай акругі. Пасьля ўвядзеньня абласнога падзелу 20 лютага 1938 году ў Слуцкім раёне Менскай вобласьці. 10 ліпеня 1939 году ў склад Чапялёўскага сельсавету Старобінскага раёну перададзена вёска Шабунькі^[1].

З 20 верасьня 1944 году па 8 студзеня 1954 году ў складзе Бабруйскай вобласьці. 16 ліпеня 1954 году да сельсавету далучана тэрыторыя скасаванага Іванаагародніцкага сельсавету, цэнтар сельсавету перанесены ў вёску Навадворцы^[2].

10 траўня 1960 году ў склад сельсавету з Ісернскага сельсавету перададзены вёскі Іграева і Працавічы^[3]. 22 верасьня 1980 году цэнтар сельсавету вернуты ў вёску Кірава.

12 траўня 2020 году скасавана вёска Малая Падзер (увайшла ў склад Слуцку)^[4].

Насельніцтва

Паводле перапісу 2009 году насельніцтва сельсавету — 2653 чалавекі^[5], зь іх 94,5% — беларусы, 4,4% — расейцы^[6].