Чарнігаўская губэрня

Чарнігаўская губэрня — губэрня Расейскае імпэрыі. Створаная ў 1802 годзе ў выніку падзелу Маларасейскай губэрні на Чарнігаўскую й Палтаўскую. Плошча складала 52 396 км², насельніцтва — 2 298 000 чалавек (паводле перапісу 1897 году).

Чарнігаўская губэрня
Черниговская губернія
Герб
Агульныя зьвесткі
Краіна	Расейская імпэрыя
Статус	губэрня Расейскай імпэрыі[d]
Адміністрацыйны цэнтар	Чарнігаў
Дата ўтварэньня	27 лютага (11 сакавіка) 1802
Дата скасаваньня	31 ліпеня 1925
Губэрнатары	гл. Чарнігаўскія губэрнатары
Насельніцтва	2 297 854 чал. (1897)[1]
Плошча	53 918,2 км²
Месцазнаходжаньне Чарнігаўскай губэрні
Дадатковыя мультымэдыйныя матэрыялы

У 1919 годзе чатыры паўночныя паветы са зьмешаным беларуска-расейскім насельніцтвам (Сураскі, у якім беларусы складалі амаль 70 % насельніцтва, Мглінскі, Навазыбкаўскі і Старадубскі) адыйшлі да Гомельскай губэрні РСФСР, а ў 1923-1926 гадох перададзеныя ў склад Бранскай губэрні.

У 1925 годзе Чарнігаўская губэрня была ліквідаваная, а яе тэрыторыя ўвайшла ў склад Глухаўскай, Канатопскай, Нежынскай і Чарнігаўскай акругаў Украінскай ССР. У 1932 годзе на асноўнай частцы тэрыторыі былой Чарнігаўскай губэрні была ўтворана Чарнігаўская вобласьць.

Адміністрацыйны падзел

• Асьцёрскі павет
• Барзьнянскі павет
• Глухаўскі павет
• Гараднянскі павет
• Казялецкі павет
• Канатопскі павет
• Кралявецкі павет
• Мглінскі павет
• Нежынскі павет
• Ноўгарад-Северскі павет
• Навазыбкаўскі павет
• Сасьніцкі павет
• Старадубскі павет
• Сураскі павет
• Чарнігаўскі павет