Часаў Яр

Ча́саў Яр (па-ўкраінску: Часів Яр) — места ў Бахмуцкім раёне Данецкай вобласьці Ўкраіны. Адміністрацыйны цэнтар Часаваярскае мескае грамады. Насельніцтва 140 чал. (2025). Статус места атрымала ў 1938 року.

Часаў Яр
Краіна:	Украіна
Вышыня:	230 м н. у. м.
Насельніцтва:	▼1000 чал. (1 студзеня 2023)
Часавы пас:	UTC+2
летні час:	UTC+3
КОАТУУ:	1410370600
Геаграфічныя каардынаты:	48°34′0″ пн. ш. 37°50′0″ у. д.
Часаў Яр на мапе Ўкраіны Часаў Яр
Галерэя здымкаў у Вікісховішчы

Геаграфія

Места знаходзіцца за 10 км ад м. Бахмуту, за 65 км ад абласнога цэнтру.

У Часаваярскую мескую грамаду ўваходзяць 2 вёскі і 1 паселішча.

Мінуўшчына

У 1859 року панскае сяло Грузкае (Пляшчэева), 16 дымоў, 114 жыхароў.

У часе Галадамору 1932—1933 рокаў загінулі 387 чалавек^[1].

За савецкім часам у Часавым Яры быў найбольшы ва Ўкраіне і адзін з найбольшых у СССР камбінат вогнетрывалых вырабаў. Дзейнічалі таксама рамонтны, завод жалезабэтонных вырабаў, досьледна-экспэрымэнтальны.

9 ліпеня 2022 року расейскімі абстрэламі зьнішчаны мескі вакзал, пры гэтым некалькі ракетаў трапілі ў інтэрнат^[2]. Загінулі 48 цывільных жыхароў^[3].

Насельніцтва

Паводле зьвестак перапісу 2001 року, насельніцтва месца складала 16 767 асобаў.

Паводле стану на сакавік 2024 року ў Часавым Яры заставалася каля 790 чалавек. Пасьля эвакуацыі большасьць з 690 тых асобаў, што засталіся — пэнсыянэры^[4].

Турыстычная інфармацыя

Вежа Шухава

• Воданапорная вежа Шухава на тэрыторыі Часаваярскага вогнетрывалага камбінату.
• Скіфскі курган.
• Батанічны заказьнік «Рэдкадуб’е». Заснаваны ў 1972 року, налічвае больш за сотню дубоў векам ад 200 да 400 гадоў^[5].

Дзейнічае краязнаўчы музэй.