Шабаны (мікрараён)
From Wikipedia, the free encyclopedia
Remove ads
Шабаны — мікрараён у складзе Заводзкага раёну гораду Менску. Разьмешчаны на паўднёвым усходзе гораду, за МКАД, паўднёвей за Магілёўскую шашу.
Характарыстыка
Раён напалову прамысловы, на прылеглай тэрыторыі разьмешчаныя шматлікія прадпрыемствы і склады, станцыя аэрацыі (адкрытая ў 1965 року), сьмецьцеперапрацоўчыя прадпрыемства «ЭКОРЭС», Вольная эканамічная зона «Менск». У 2006 року ў мікрараёне быў адкрыты завод па вытворчасьці бытавое тэхнікі кампаніі «Атлянт». У супрацоўніцтве з паўднёвакарэйскай кампаніяй MECEN IPC у мікрараёне плянуецца пабудаваць новы сьмецьцеперапрацоўчы завод коштам 100 млн даляраў. Таксама ў мікрараёне плянуецца пабудаваць новы завод індустрыяльнага домабудаваньня. Чакаецца, што завод разьмесьціцца на тэрыторыі 27 гектараў, будзе пабудаваны на працягу трох рокаў і здолее вырабляць матэрыялы для будаўніцтва 400 тысячаў квадратных мэтраў жыльля ў рок. Да 2030 року ў мікрараёне плянуецца пабудаваць вакзал для высокахуткаснай чыгуначнай лініі Менск — Масква і пабудаваць станцыю мэтро Аўтазаводзкае лініі.
Жылыя дамы разьмяшчаюцца на ўсход ад аб’язной чыгуначнай галінкі Калодзішчы — Міханавічы (усходні абыход Менску) і аб’ядноўваюцца ў дзьве групы: Шабаны-1, або Старыя Шабаны, і Шабаны-2, або Новыя Шабаны. Асноўныя вуліцы:
- Алеся Бачылы — названая ў гонар беларускага паэта Алеся Бачылы;
- Ротмістрава — у гонар Герою Савецкага Саюзу Паўла Аляксеевіча Ротмістрава, удзельніка апэрацыі «Багратыён» і вызваленьня Менску ў 1944 року;
- Сяліцкага — у гонар Герою Савецкага Саюзу Мікалая Аляксандравіча Сяліцкага, удзельніка грамадзянскае вайны ў Гішпаніі;
- Шабаны — у гонар найбліжэйшага населенага пункту.
Тып забудовы: пераважна 9, 10, 12 паверхаў, маюцца гэтак жа 5-павярховыя дамы хрушчоўскае пабудовы (кут вуліцаў Шабаны і Ротмістрава).
Раён лічыцца няшчасным у крымінальным дачыненьні; жыхары мікрараёну выказваюць найбольшую трывогу за сваю бясьпеку ў вячэрні і начны час у Менску. Шабаны таксама зьяўляюцца адным зь няўдалых мікрараёнаў па ўзроўні згону аўтамабіляў. Мікрараён знаходзіцца ў ліку няспрыяльных і ў экалягічным дачыненьні.
Сярэдні кошт зямельных участкаў у Шабанах ў 2006 року складала $ 17 за квадратны мэтар супраць $ 250 у цэнтры гораду. Кошт квадратнага мэтру на другасным рынку жыльля ў Шабанах па стане на сакавік 2010 року складаў $ 1250 (другое месца па таннасьці ў Менску) супраць $ 2000 і больш у цэнтры места.
Remove ads
Гісторыя
Назоў раёну паходзіць ад назвы вёскі, якая зьмяшчалася за 3 кілямэтры, на месцы вёскі цяпер пабудаваная станцыя аэрацыі. Падчас Вялікае Айчыннае вайны на месцы мікрараёну разьмяшчаўся адзін з найбуйнейшых канцэнтрацыйных лягераў — Малы Трасьцянец.
Насельніцтва
Насельніцтва мікрараёну складае каля 27 тысячаў чалавек. У мікрараёне пражывае вялікая колькасьць перасяленцаў з зон, якія перанясьлі эвакуацыю ў сувязі з Чарнобыльскай катастрофай.
Мясьціны
У раёне знаходзяцца г. зв. «Могілкамі пад’ёмных кранаў» — у гэтае месца калісьці звазілі старыя пад’ёмныя краны, якія адпрацавалі працоўны рэсурс. У народзе мікрараён падзяляецца на «Новыя Шабаны» і «Старыя» — першыя на поўначы, другія — на поўдні. Таксама сярод мясцовае моладзі ўлюбёным месцам зьяўляецца г. зв. «Промка» (то бок, вольная эканамічная зона «Менск»), якая папулярная сярод яе як месца для нелегальнага распою сьпіртных напояў і збору моладзі-графіцістаў, якія вельмі часта пакідаюць свае малюнкі-графіці на сьценах прамзоны.
Remove ads
Транспартная сыстэма
- Чыгуначная станцыя «Шабаны»
- Аўтобусы па маршрутах 9, 9в, 9д, 93, 61 і г. д.
- Маршрутнае ды асобнае таксі.
Навакольныя населеныя пункты
- вёска Падлосьсе
- пасёлкі Малы ды Вялікі Трасьцянец
- вёска Каралішчавічы
- вёска Новы Двор
- Мікрараён Сосны.
Аб’екты сацыяльнага прызначэньня ды славутасьці
- бібліятэка
- гіпэрмаркет «Prostore»
- «Дарога сьмерці» (частка мэмарыялу Трасьцянец) — дарога, па якой зьняволеных зь лягеру вялі на расстрэл. Захоўваецца дзякуючы таму, што была абсаджаная таполямі. Вуліца Сяліцкага часткова перасякае дарогу, пабудавана некалькі дамоў.
- Вольная эканамічная зона «Менск»
- Моладзевы клюб і цэнтар дасугу «Арыён»
- Гарбарны завод
- Гарадзкая звалка
- Чыгуначная станцыя «Шабаны»
Remove ads
Шабаны ў літаратуры і мастацтве
- Раман Альгерда Бахарэвіча «Шабаны. Гісторыя аднаго зьнікненьня» (Менск, «Галіяфы», 2012)
Глядзіце таксама
Вонкавыя спасылкі
Wikiwand - on
Seamless Wikipedia browsing. On steroids.
Remove ads