Шашолі

Шашолі, Шашолы^[1] (лет. Šešuoliai) — мястэчка ў Летуве, на беразе Шашольскага возера. Цэнтар староства Вількамірскага раёну Віленскага павету. Насельніцтва на 2011 год — 138 чалавек. Знаходзяцца за 16 км на паўднёвы ўсход ад Вількаміру.

Шашолі лац. Šašoli
лет. Šešuoliai
Касьцёл Сьвятога Язэпа Рамесьніка
Герб Шашоляў
Краіна:	Летува
Павет:	Віленскі
Раён:	Вількамірскі
Насельніцтва:	138 чал. (2011)
Часавы пас:	UTC+2
летні час:	UTC+3
Геаграфічныя каардынаты:	55°13′0″ пн. ш. 25°1′0″ у. д.
Шашолі на мапе Летувы Шашолі
Галерэя здымкаў у Вікісховішчы

Шашолі — мястэчка гістарычнай Віленшчыны. Да нашага часу тут захаваўся драўляны касьцёл Сьвятога Язэпа Рамесьніка, помнік архітэктуры XVIII стагодзьдзя.

Назва

Тапонім Шашолі, магчыма, утварыўся ад назвы ракі Шашолі^[2].

Гісторыя

Вялікае Княства Літоўскае

Першы пісьмовы ўпамін пра Шашолі датуецца 1334 годам. Паводле Хронікі Лівоніі Германа Вартбэрга, у 1375 годзе лівонскі магістар Вільгельм з Урымэрсгайму ўчыніў напад на некалькі паселішчаў ВКЛ, у тым ліку Шашолі^[1]. У 1385 годзе яны ўвайшлі ў склад Віленскага павету Віленскага ваяводзтва.

У 1567 годзе Шашолі сталі мястэчкам, тут збудавалі касьцёл.

Пад уладай Расейскай імпэрыі

У выніку трэцяга падзелу Рэчы Паспалітай (1795 год) Шашолі апынуліся ў складзе Расейскай імпэрыі, у Віленскім павеце Віленскай губэрні. У 2-й палове XIX ст. у мястэчку было 22 будынкі.

За часамі Першай сусьветнай вайны ў 1915 годзе Шашолі занялі войскі Нямецкай імпэрыі.

Найноўшы час

Па польска-летувіскіх баях і падпісаньні пагадненьня паміж міжваеннай Польскай Рэспублікай і Летувой у 1919 годзе Шашолі апынуліся ў складзе Летувы. За часамі Другой сусьветнай вайны з чэрвеня 1941 да 1944 году мястэчка знаходзілася пад акупацыяй Трэцяга Райху.

Насельніцтва

Дэмаграфія

• XIX стагодзьдзе: ~1890 год — 169 чал., зь іх 140 каталікоў і 29 юдэяў^[3]
• XXI стагодзьдзе: 2011 год — 138 чал.

Турыстычная інфармацыя

Славутасьці

• Касьцёл Сьвятога Язэпа Рамесьніка (1751)
• Сядзіба (XIX—XX стагодзьдзі)