Шашцін-Стражэ

Шашцін-Стражэ (па-славацку: Šaštín-Stráže; па-нямецку: Schoßberg-Strascha; па-вугорску: Sasvár-Morvaőr) — горад у раёне Сэніца Трнаўскага краю заходняй Славаччыны.

Шашцін-Стражэ
славац. Šaštín-Stráže
Герб Шашцін-Стражэ Сьцяг Шашцін-Стражэ
Дата заснаваньня:	1 ліпеня 1960
Краіна:	Славаччына
Край:	Трнаўскі
Плошча:	41,949285 км² (2024)[1]
Вышыня:	177 м н. у. м.
Насельніцтва:	▼4851 чал. (31 сьнежня 2024)[2]
Часавы пас:	UTC+1
летні час:	UTC+2
Тэлефонны код:	034
Паштовы індэкс:	908 41
Нумарны знак:	SE
Геаграфічныя каардынаты:	48°38′6″ пн. ш. 17°8′24″ у. д.
Шашцін-Стражэ на мапе Славаччыны Шашцін-Стражэ
Галерэя здымкаў у Вікісховішчы
https://www.mestosastinstraze.sk

Першапачаткова ўяўляў сабой дзьве асобныя вёскі. Шашцін-Стражэ зьяўляецца адным з наймаладзейшых гарадоў Славаччыны, атрымаўшы статус гораду толькі 1 верасьня 2001 году.

Геаграфія

Горад разьмяшчаецца на поўначы Загор'я за 18 км ад Сэніцы і за 65 км ад Браціславы. Рака Міява працякае паўз горад, падзяляючы яго на дзьве часткі.

Гісторыя

Сучасны горад узьнік аб’яднаньнем двух паселішчаў — Шашцін і Стражэ над Міяваў. Шашцін упершыню згадваецца ў 1218 годзе як вартавая фартэцыя Вугорскага каралеўства. Гэтая вёска мае шчыльнае гістарычнае дачыненьне да этнічнай групы сэкеяў. Шашцін і Стражэ над Міяваў былі аб’яднаныя ў 1961 годзе пад агульнаю назвай «Шашцінске Стражэ» (па-славацку: Šaštínske Stráže). У 1971 мястэчка набыло цяперашнюю назву.

Горад знакаміты сваёй базылікай сьв. Марыі, якая зьяўляецца месцам паломніцтва хрысьціянскіх вернікаў.

Дэмаграфія

Паводле перапісу 2001 году колькасьць насельніцтва гораду налічвае 5005 чалавек. Нацыянальны склад: 95,44% — славакі, 2,06% — цыгане і 1,50% — чэхі^[3].

Рэлігійны склад: 88,45% — рыма-каталікі, 7,31% — людзі без прыналежнасьці да рэлігіі і 1,34% — лютэране^[3].