Гута (Івейскі раён)

Гута^[1] (Шкляная Гута) — вёска ў Суботніцкім сельсавеце Івейскага раёну Гарадзенскай вобласьці.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Гута.

Гута лац. Huta
Былая назва:	Шкляная Гута
Краіна:	Беларусь
Вобласьць:	Гарадзенская
Раён:	Івейскі
Сельсавет:	Суботніцкі
Насельніцтва:	28 чал. (2009)
Часавы пас:	UTC+3
Тэлефонны код:
Паштовы індэкс:	231341
СААТА:	4229843036
Нумарны знак:	4
Геаграфічныя каардынаты:	54°8′37″ пн. ш. 25°42′59″ у. д.
Гута на мапе Беларусі ± Гута Гута

Гісторыя

У XIX — пачатку XX ст. вёска Шкляная Гута і фальварак уваходзілі ў Суботніцкую воласьць Ашмянскага павету Віленскай губэрні. Уласнасьць графа Ўмястоўскага. Адносіліся да маёнтку Жамыслаўль. У 1861 г. 64 рэвіскія душы. У 1897 г. 31 двор, 195 жыхароў. У 1905 г. 192 жыхары, 279 дзесяцін зямлі. У суседнім фальварку было 55 жыхароў, 330 дзесяцін зямлі. Дзейнічаў шклозавод. У 1909 г. 57 двароў, 372 жыхары.

У 1921-1939 гг. у Суботніцкай гміне Валожынскага, з 1926 г. Лідзкага паветаў Наваградзкага ваяводзтва Польшчы. У 1921 г. у вёсцы 36 двароў, 191 жыхар, у фальварку 4 двары, 52 жыхары.

3 12.10.1940 г. вёска (53 двары, 430 жыхароў) і фальварак (3 двары, 16 жыхароў) у Жамыслаўскім сельсавеце Івейскага раёну. У пасьляваенныя гады працавала пачатковая школа. У жніўні 1952 г. арганізаваны калгас «Новая Гута», з 1954 г. у калгасе імя М.Кутузава, з 1960 г. у саўгасе «Жамыслаўль». 3 29.4.1960 г. у Суботніцкім сельсавеце. У 1970 г. 193 жыхары. Крама. Потым у складзе калгаса «Жамыслаўль».

Насельніцтва

• 1999 год — 69 чалавек, 38 двароў
• 2009 год — 28 чалавек^[2]