Эль-Аюн

Эль-Аюн (па-арабску: العيون‎) — неафіцыйная сталіца Заходняй Сахары, былой гішпанскай калёніі, якая цяпер знаходзіцца пад кантролем Марока. Насельніцтва налічвае каля 190 тыс. чалавек. Горад заснаваны ў Х стагодзьдзі. Росквіт гораду прыйшоўся на ХІХ стагодзьдзе, калі пачалася гішпанская калянізацыя.

Эль-Аюн
араб. العيون‎
Першыя згадкі:	Х стагодзьдзе
Краіна:	Заходняя Сахара
Кіраўнік:	Moulay Hamdi Ould Errachid[d]
Плошча:	8,1081 міля²[1]
Вышыня:	72 м н. у. м.
Насельніцтва:	194 668 чал. (2009)
Часавы пас:	UTC+0
Геаграфічныя каардынаты:	27°9′0″ пн. ш. 13°12′0″ з. д.
Эль-Аюн на мапе Заходняй Сахары Эль-Аюн
Галерэя здымкаў у Вікісховішчы

Геаграфія

Горад разьмешчаны на ўзьбярэжжы Атлянтычнага акіяна, у аазісе на беразе ўэда (падземнай ракі) Хамра. Рэльеф мясцовасьці раўнінны, сустракаюцца дзюны. Клімат трапічны, сухі, зьмякчаецца блізкасьцю акіяна. Ападкі ня значныя. Расьліннасьць прадстаўлена фінікавымі пальмамі, фігавымі дрэвамі і акацыямі. Узьбярэжныя воды Атлянтычнага акіяна багатыя на рыбныя рэсурсы.