Юзэф Паўлін Сангушка

Юзэф Паўлін Ян Адам Сангушка (20 чэрвеня 1740 — 12 траўня 1781) — дзяржаўны і вайсковы дзяяч Вялікага Княства Літоўскага. Маршалак надворны літоўскі (1760—1768) і вялікі літоўскі (з 1768)^[1].

Юзэф Паўлін Ян Адам Сангушка

Юзэф Паўлін Сангушка, 1751—1775 гг.
Герб «Пагоня Літоўская»
Асабістыя зьвесткі
Нарадзіўся	20 чэрвеня 1740 Кальбушова[d], Гміна Кальбушова[d], Кальбушоўскі павет[d], Падкарпацкае ваяводзтва, Польшча
Памёр	12 траўня 1781 (40 гадоў) Кракавец[d], Украіна
Род	Сангушкі
Бацькі	Павал Караль Сангушка Барбара з Дунінаў[d]
Дзеці	Раман

Трымаў Крамянецкае і Чаркаскае староствы, меў палацы ў Менску і Горадні.

Біяграфія

Партрэт Ю. П. Сангушкі, XVIII ст.

З княскага роду Сангушкаў гербу «Пагоня Літоўская», старэйшы сын Паўла Караля, маршалка вялікага літоўскага, і Барбары з Дунінаў. Меў братоў Януша Аляксандра, Януша Мадэста і Гераніма Януша.

Абіраўся паслом на вальны сойм 1754 року^[2]. На сойме 1767—1768 рокаў абвясьціў «Праект рэформы ўраду», які прадугледжваў прыняцьце адзінага кодэксу права для ўсёй Рэчы Паспалітай. Падпісаў акт Кардынальных правоў^[1].

Падтрымаў абраньне каралём Станіслава Аўгуста Панятоўскага (1764). У 1771 року таемна далучыўся да Барскай канфэдэрацыі.

У 1774 року пабраўся шлюбам з Ганнай Цэтнэр, зь якой меў сына Рамана (1775—1790).