Ян Матаўшак

Ян Ма́таўшак (па-чэску: Jan Matoušek; нар. 9 траўня 1998 году) — чэскі футбаліст, паўабаронца і нападнік клюбу «Багеміянс-1905».

Ян Матаўшак
Пэрсанальная інфармацыя
Нарадзіўся	9 траўня 1998(1998-05-09)[1] (27 гадоў) Пршыбрам
Рост	178 см
Пазыцыя	паўабаронца
Клюбная інфармацыя
Клюб	Багеміянс-1905
Нумар	10
Клюбы
Гады	Клюб	Гульні (галы)¹
2017—2018	Пршыбрам	24 (11)
2018—2023	Славія Прага	7 (0)
2018	→ Пршыбрам	4 (2)
2019	→ Пршыбрам	15 (7)
2019—2020	→ Ябланец	23 (6)
2020—2022	→ Слован Лібэрац	55 (3)
2023	→ Багеміянс-1905	15 (6)
2023—4	Багеміянс-1905	51 (11)
Зборныя
2017—2018	Чэхія (да 20)[d]	3 (1)
2018—2020	Чэхія (да 21)[d]	15 (1)
2023—4	Чэхія	2 (0)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 17 чэрвеня 2025. ² Колькасьць гульняў і галоў за нацыянальную зборную ў афіцыйных матчах, адкарэктавана на 24 сакавіка 2024.

Кар’ера

Гулец дэбютаваў у чэскай Другой лізе ў складзе клюбу «Пршыбрам» 12 жніўня 2017 году ў хатнім матчы супраць «Улашыма» 2:3^[2]. Свае першыя галы ў прафэсійным футболе забіў праз адзінаццаць дзён у хатнті матчы супраць «Варнсдарфа», які скончыўся зь лікам 3:1^[2]. У хуткім часе Матаўшак стаў найлепшым бамбардзірам клюба, якому дапамог прасунуцца ў Першую лігу. Паводле вынікаў сэзону гулец быў абраны найлепшым футбалістам лігі ў сваім дэбютным сезоне^[2]. Ужо ў другім матчы першай лігі Матаўшак двойчы ўлучыў мяч у браму «Багеміянса-1905», чым дапамог здабыць перамогу зь лікам 4:2^[2]. Пасьля гэтага гулец далучыўся да праскай «Славіі». Трансфэр гульца каштаваў пражанам, як мяркуецца, каля 40 мільёнаў кронаў альбо 1,6 мільёнаў эўра, што было рэкордам за пераход футбаліста з аднаго чэскага клюбу ў іншы^[3]. Тым ня менш, футбаліст застаўся ў «Пршыбраме» на правах арэнды, але хутка нападнік быў выкліканы ў Прагу. У «Славіі» нападнік амаль не гуляў, некалькі сэзонаў гуляў у арэндах у «Ябланцы», лібэрацкім «Словане» і «Багеміянсе-1905». Менавіта апошні з гэтых клюбаў склаў з гульцам паўнавартасную дамову ў 2023 годзе.