Ястрабля

Ястрабля — былая вёска ў Ельскім раёне Гомельскай вобласьці Беларусі. Уваходзіла ў склад Качышчанскага сельсавету. Жыхары пераселеныя. Знаходзіцца за 22 км на паўднёвы ўсход ад места і чыгуначнай станцыі Ельск (лінія Каленкавічы — Оўруч), за 199 км ад Гомелю. На тэрыторыі вёскі знаходзяцца мэліярацыйныя каналы. Драўляныя сялянскія хаты ўздоўж дарогі.

Ястрабля
Першыя згадкі:	XX ст.
Вобласьць:	Гомельская
Раён:	Ельскі
Сельсавет:	Качышчанскі
Геаграфічныя каардынаты:	51°42′ пн. ш. 28°55′ у. д.
Ястрабля на мапе Беларусі Ястрабля

Гісторыя

Згодна зь пісьмовымі крыніцам вядомая з пачатку XX стагодзьдзя як хутар у Мазырскім павеце Менскай губэрні. У 1917 годзе ў Скараднянскай воласьці. У 1931 годзе жыхары ўступілі ў калгас. У часе Вялікай Айчыннай вайны ў ліпені 1942 году нямецкія войскі спалілі вёску і забілі 52 жыхары. 25 жыхароў загінулі на фронце. У 1959 годзе ўваходзіла ў склад калгасу «Рэвалюцыя» (цэнтар — вёска Кочышчы).

З 17 лістапада 2005 году выключаная зь зьвестак па ўліку адміністрацыйна-тэрытарыяльных і тэрытарыяльных адзінак^[1].

Насельніцтва

• XX стагодзьдзе: 1917 — 42 жыхары; 1925 — 17 двароў; 1940 — 42 двароў, 193 жыхары; 1959 — 85 жыхароў (паводле перапісу)
• XXI стагодзьдзе: 1990-я — жыхары пераселеныя^[2]