Tallink

AS Tallink Grupp — эстонская суднаходная кампанія з штаб-кватэрай у Таліне, якая займаецца круізнымі й паромнымі перавозкамі ў акваторыі Балтыйскага мора. Асноўныя маршруты пралягаюць паміж Эстоніяй, Швэцыяй, Фінляндыяй і Латвіяй. Бізнэс-мадэль кампаніі ўключае прадастаўленьне паслуг пасажырскіх і грузавых перавозак, турыстычных пакетаў у партовых гарадах і паслуг duty-free закупаў на борце ўласных паромаў. Па стане на 2013 г. Tallink займаў 11 месца сярод самых буйных duty-free апэратаў у сьвеце з абаротам болей за $300 млн.^[2]

AS Tallink Grupp
Тып	Публічная кампанія
Заснаваная	1989
Краіна	Эстонія[1]
Разьмяшчэньне	Талін, Эстонія
Ключавыя фігуры	Эн Пант, Андрэс Хунт
Галіна	Марскія перавозкі
Абарачэньне	▼942 млн.эўра (2013)
Чысты прыбытак	▼43 млн.эўра (2013)
Лік супрацоўнікаў	6 942 чалавек (2013)
www.tallink.com www.tallinksilja.com
AS Tallink Grupp у Вікісховішчы

Гісторыя

Кампанія вядзе сваё існаваньне ад 1989 г., калі савецкая Эстонская судаходная кампанія (праз ангельскамоўны акронім больш вядомая як ESCO) і фінская Palkkiyhtymä Oy утварылі сумесны праект для рэгулярных пасажырскіх перавозак паміж Хэльсынкі й Талінам. Дзеля гэтых мэтаў партнэрамі быў набыты паром Scandinavian Sky, які з наступнага году выйшаў на маршрут пад назвай Tallink. У 1993 фіны прадалі свае акцыі ў праекце, і кампанія сталася цалкам эстонскай.

9 сьнежня 2005 г. Tallink упершыню разьмясьціў свае акцыі на Талінскай фондавай біржы (тызер TAL1T). У 2006 годзе кампанія набыла свайго фінскага канкурэнта Silja Line, набыўшы статус найбуйнейшага пасажырскага паромнага апэратара ў Балтыйскім моры.

Паром Victoria I, уведзены ў эксплюатацыю ў 2004 г.

Асноўныя маршруты Tallink

• Турку — Стакгольм
• Хэльсынкі — Стакгольм
• Талін — Хэльсынкі
• Талін — Стакгольм
• Рыга — Стакгольм

Глядзіце таксама

• Афіцыйная бачына AS Tallink Grupp у Сеціве
• Лістынг AS Tallink Grupp на Талінскай фондавай біржы(недаступная спасылка)